|
|
|
|
|
|
|
|
|
|
|
|
அரசாங்கத்திற்குச் சொந்தமான லங்கா உரக் கம்பனியும், கொமர்ஷல் உரக் கம்பனியும் கடந்த வருடத்தில் சாதனையான இலாபத்தைப் பெற்றுள்ளதாக அந்த உர நிறுவனத்தின் தலைவர் கலாநிதி ஜகத் பெரேரா தெரிவித்தார்.
இது வரை இரண்டு உர நிறுவனங்களாக இருந்த இரு நிறுவனங்களும் 2024 ஆம் ஆண்டு முதல் அரசாங்க உர நிறுவனம் என்ற பெயரில் இணைக்கப்பட்டுள்ளன.
அரச உரக் கம்பனியின் எதிர்காலச் செயற்பாடுகள் மற்றும் இந்த வருட சிறுபோகத்திலும் அடுத்த பெரும்போகத்திலும் உர விநியோகம் தொடர்பிலான முன்னேற்ற மீளாய்வுக் கூட்டம் கமத்தொழில் மற்றும் பெருந்தோட்டக் கைத்தொழில் அமைச்சர் திரு மகிந்த அமரவீர தலைமையில் அண்மையில் நடைபெற்றது.
இதன் போது கருத்து தெரிவித்த அரச உரக் கம்பனியின் தலைவர் கலாநிதி ஜகத் பெரேரா, இரண்டு இணைந்த உர நிறுவனங்களும் கடந்த வருடம் 433 மில்லியன் ரூபா இலாபத்தை ஈட்டியுள்ளன. இதன்படி, இலங்கை உர நிறுவனம் 141 மில்லியன் ரூபாவையும் கொழும்பு கொமர்ஷல் உர நிறுவனம் 292 மில்லியன் ரூபாவையும் இலாபமாக ஈட்டியுள்ளன.
மேலும் இந்த இரு நிறுவனங்களின் ஒன்றிணைக்கப்பட்ட போது 272 பணியாளர்கள் சுய விருப்பத்தில் ஓய்வு பெறச்செய்யப்பட்டு அந்த ஊழியர்களுக்கு எமது நாட்டு வரலாற்றில் இல்லாத அளவுக்கு இழப்பீடு தொகை வழங்கப்பட்டது. அதற்காக அரச உரக் கம்பனியின் நிதியில் இருந்து 840 மில்லியன் ரூபா செலவிடப்பட்டது. அரச உரக் கம்பனியின் நிதி நிலைமை மிகவும் சிறந்த மட்டத்தில் உள்ளதாகவும் இதனால் இந்த நிறுவனத்தின் நிதி நிலை 4.5 பில்லியன் ரூபாவாக அதிகரித்துள்ளதாகவும் தலைவர் கலாநிதி ஜகத் பெரேரா குறிப்பிட்டார்.
இதன் போது கருத்து தெரிவித்த கமத்தொழில் மற்றும் பெருந்தோட்டக் கைத்தொழில் அமைச்சர் திரு மகிந்த அமரவீர, நாட்டில் பொருளாதார நெருக்கடி ஏற்பட்டுள்ள போதிலும் அரச உர நிறுவனம் அதிக இலாபத்தை ஈட்டியுள்ளதாகவும் குறிப்பிட்டார். குறிப்பாக அரச உர நிறுவனம் அரிசி, தேயிலை, தென்னை, இறப்பர் மற்றும் இலவங்கப்பட்டை போன்ற பயிர்களுக்கு உர மானியம் வழங்கி பெரும் நிதி இலாபத்தை ஈட்டியுள்ளதாகவும் அவர் சுட்டிக் காட்டினார்.
அரச நிறுவனங்களால் இலாபம் ஈட்ட முடியாது என்ற நிலவி வரும் கருத்தை அரச உரக் கம்பனியின் உயர்மட்ட நிர்வாகமும் அனைத்து ஊழியர்களும் நிராகரித்துள்ளதாகவும் அமைச்சர் கூறினார்.
இந்த கலந்துரையாடலில் அமைச்சின் செயலாளர் திரு ஜனக தர்மகீர்த்தி அடங்கலாக பலரும் கலந்து கொண்டனர்.
