|
|
|
|
|
|
|
|
|
|
|
|
தென்னை பயிர்ச்செய்கையை தாக்கும் வெள்ளை ஈ நோய் அடங்கலாக எந்தப் பிரச்சினைகளாக இருந்தாலும் விவசாயிகளுக்கு நேரடியாகத் தெரிவிக்கக் கூடிய தொலைபேசி இலக்கத்தை அறிமுகப்படுத்துமாறு கமத்தொழில் மற்றும் பெருந்தோட்டக் கைத்தொழில் அமைச்சர் திரு மகிந்த அமரவீர, தெங்குப் பயிர்ச்செய்கை சபைக்கு பணிப்புரை விடுத்தார்.
இதன்படி, தென்னைச் செய்கை தொடர்பான எந்தவொரு பிரச்சினையையும் இலகுவாக விசாரிப்பதற்கான தொலைபேசி இலக்கத்தை எதிர்வரும் திங்கட்கிழமை (ஆகஸ்ட் 05) முதல் அறிமுகப்படுத்துவதற்கு தென்னைப் பயிர்ச்செய்கை சபை நடவடிக்கை எடுத்துள்ளது.
இந்த உடனுக்குடனான (ஹாட்லை) தொலைபேசி இலக்கம் 1916.
இதன்படி, இந்த தொலைபேசி இலக்கத்தின் ஊடாக தெரிவிக்கப்படும் எந்தவொரு பிரச்சினைக்கும் உடனடியாகப் பதிலளித்து, பொதுமக்களின் பிரச்சினைகளுக்குத் தேவையான பதில்களை வழங்க அதிகாரிகள் தயார்படுத்தப்பட்டுள்ளதாக தெங்குப் பயிர்ச்செய்கை சபையின் தலைவர் திரு பண்டுக வீரசிங்க தெரிவித்தார்.
