இலங்கையில் விலங்கு பொருட்கள் மற்றும் அலங்கார மீன் என்பவற்றின் ஏற்றுமதியை அதிகரிப்பதில் எழும் பிரச்சினைகள் மற்றும் தீர்வுகள் குறித்து கமத்தொழில் அமைச்சில் ஒரு விஷேட கலந்துரையாடல் நடைபெற்றது

இலங்கையில் விலங்கு பொருட்கள் மற்றும் அலங்கார மீன்கள் என்பவற்றின் ஏற்றுமதியை அதிகரிப்பதில் எழும் பிரச்சினைகள் மற்றும் தீர்வுகள் பற்றிய ஒரு விஷேட கலந்துரையாடல் இன்று (25) கமத்தொழில் அமைச்சில் கமத்தொழில், கால்நடை வளங்கள், காணி மற்றும் நீர்ப்பாசன அமைச்சர் திரு. கே.டி. லால்காந்த மற்றும் கைத்தொழில் மற்றும் தொழில்முனைவோர் மேம்பாட்டு அமைச்சர் திரு. சுனில் ஹந்துன்னெத்தி ஆகியோரின் பங்குபற்றலில் நடைபெற்றது.

இந்த நிகழ்வில், கமத்தொழில், கால்நடை வளங்கள், காணி மற்றும் நீர்ப்பாசன அமைச்சின் மேலதிக செயலாளர் கலாநிதி பாலிகா பெர்னாந்து, கால்நடைத் துறையிம், அலங்கார மீன் மற்றும் அலங்கார தாவர ஏற்றுமதித் துறையிலும் உள்ள சிக்கல்களையும் மற்றும் தீர்வுகளையும் பற்றி விளக்கினார். கோழி இறைச்சியின் உற்பத்திச் செலவு அதிகரிப்பு ஒரு பிரச்சனையாகும். மேலும் இதற்கான காரணங்கள் கால்நடை தீவனமாகப் பயன்படுத்தப்படும் சோளத்தின் விலை அதிகரிப்பாகும். அத்துடன் விலங்குகளுக்குத் தேவையான மருந்துகள் மற்றும் தடுப்பூசிகள் ஆகியவற்றின் அதிக விலை. ஆய்வக வசதிகள் இல்லாமை மற்றும் அவற்றில் மனித வளங்கள் பற்றாக்குறை கோழி இறைச்சி ஏற்றுமதிக்குத் தேவையான ஆய்வக அறிக்கைகளை வழங்குவதில் ஒரு பெரிய பிரச்சனையாகும். இதற்கு தீர்வாக, கமத்தொழில் அமைச்சின் கீழ் உள்ள ஆய்வகங்கள் மற்றும் பிற அமைச்சகங்களுக்கு இடையே ஒருங்கிணைப்பை ஏற்படுத்துவது அவசியம் என்ற விடயம் சுட்டிக்காட்டப்பட்டது. ஏற்றுமதியின் போது விலங்குகளின் ஆரோக்கியத்தை சரிபார்க்க அரச கால்நடை மருத்துவரின் சான்றிதழ் தேவை. சிங்கப்பூர், சீனா மற்றும் மத்திய கிழக்கு நாடுகளிலிருந்து கோழி இறைச்சி ஏற்றுமதிக்கு அதிக தேவை உள்ளது. இந்தப் பணியில் ஈடுபட்டுள்ள நிறுவனங்கள் தனித்தனியாகச் செயற்படுவதை விட ஒன்றிணைந்து செயற்படுவது முக்கியம் என்ற விடயமும் வலியுறுத்தப்பட்டது.

கால்நடைத் துறை குறித்து பிள்ளைகளுக்கு ஓரளவு கல்வியை வழங்குவதன் மூலம் இளைஞர்களை இந்தத் துறைக்கு ஈர்க்க முடியும் எனவும் பரிந்துரைக்கப்பட்டது. ஏற்றுமதி தொடர்பான சட்டங்கள் மற்றும் விதிமுறைகள் புதுப்பிக்கப்படாமை ஒரு பிரச்சினை என்றும் சுட்டிக்காட்டப்பட்டது. அலங்கார மீன்கள் மற்றும் அலங்கார தாவரங்கள் என்பவற்றின் ஏற்றுமதி தொடர்பான சிக்கல்கள் மற்றும் அவற்றுக்கான தீர்வுகள் என்பவற்றை எவ்வாறு வழங்குவது என்பது குறித்தும் விவாதிக்கப்பட்டது.

அலங்கார மீன்களுக்குத் தேவையான சான்றிதலை வழங்குவதிலும் சிக்கல்கள் உள்ளன. இதற்காக, ஆய்வகங்களுக்கு இடையே ஒருங்கிணைப்பு ஏற்படுத்தப்பட வேண்டும். சில மீன்களை நேரடியாக ஏற்றுமதி செய்ய முடியாவிட்டாலும், முற்போக்கான ஏற்றுமதிக்கு வாய்ப்பு உள்ளது என்றும், இதற்குத் தேவையான சட்டங்கள் மற்றும் விதிமுறைகள் வகுக்கப்பட வேண்டும் என்றும் விவாதிக்கப்பட்டது. குறிப்பாக, ஏற்றுமதி உரிமங்களை வழங்கும் செயல்முறையை தாமதமின்றி எளிதாக்கவும் வேண்டும்.

இந்தப் பிரச்சினைகளுக்கான தீர்வுகளைச் செயற்படுத்தவும், உரிய நடவடிக்கைகளை விரைவாக எடுக்கவும், அமைச்சின் செயலாளர்கள் மற்றும் சம்பந்தப்பட்ட அதிகாரிகள் தலைமையில் ஒரு குழுவை நியமிக்குமாறு கமத்தொழில், கால்நடை வளங்கள், காணி மற்றும் நீர்ப்பாசன அமைச்சர் கே.டி. லால்காந்த அவர்கள் அதிகாரிகளுக்கு அறிவுறுத்தினார்கள். இந்தத் துறையில் நிலவும் பிரச்சினைகளுக்கு 3 மாதங்களுக்குள் நிரந்தரத் தீர்வுகள் வழங்கப்பட வேண்டும் என்றும் அமைச்சர் மேலும் கூறினார்.