English (UK)SinhalaSriLankaTamilIndia


சென்ற காலத்தில் உரங்கள் பகிர்ந்தளிப்பு தொடர்பான கமநல சேவைகள் திணைக்களத்தின் தரவுகள் 96% வீதம் சரியானவை. இந்த விடயம் ஒரு மதிப்பாய்விலிருந்து தெரிய வந்தது

சென்ற காலப் பகுதியில் விவசாயிகளுக்கு இரசாயன உரங்கள் பகிர்ந்தளித்தமை தொடர்பாக கமநல சேவைகள் திணைக்களம் சமர்ப்பித்த தரவுகளை அடிப்படையாகக் கொண்டு நடத்திய மாதிரி மதிப்பாய்வின் போது கமநல சேவைகள் திணைக்களத்தின் தரவுகள் 96% வீதம் சரியானவை என ஹெக்டர் கொப்பேகடுவ விவசாய ஆராய்ச்சி நிறுவகம் இன்று (13) கமத்தொழில் அமைச்சர் மஹிந்தானந்த அளுத்கமகே அவர்களுடன் இடம்பெற்ற சந்திப்பின் போது தெரிவித்தது. அமைச்சர் அவர்கள் இன்று (13) காலை நேரத்தில் ஹெக்டர் கொப்பேகடுவ விவசாய ஆராய்ச்சி நிறுவகத்திற்கு அவதானிப்பு விஜயத்தை மேற்கொண்டிருந்த வேளையில் நடைபெற்ற கலந்துரையாடலின் போது இந்த விடயங்கள் தெரிய வந்தன.

 

இந்த மதிப்பாய்வு பற்றிய அறிக்கை கமநல சேவைகள் திணைக்களத்திற்கு பெற்றுக் கொடுக்கப்பட்டுள்ளதாக ஹெக்டர் கெப்பேகடுவ விவசாய ஆராய்ச்சி நிறுவகம் அமைச்சர் அவர்களிடம் தெரிவித்தது. இதன் போது கருத்துத் தெரிவித்த அமைச்சர் மஹிந்தானந்த அளுத்கமகே அவர்கள் பேராதெனிய பல்கலைக்கழகத்தின் விவசாய பீடத்தினால் நுவரெலியா பகுதியில் உரங்கள் பாவனை சம்பந்தமாக நடத்தப்பட்டுள்ள ஒரு மதிப்பாய்வின் போது தெரிய வந்திருப்பது இரண்டு வருடங்கள் கழியும் வரை நுவரெலியா விவசாயிகளுக்கு தமது பயிர்களுக்கு உரங்களை பாவிக்கும் அவசியம் ஏற்படாது என்பதாகும். அந்த மதிப்பாய்வு பற்றிய அறிக்கை ஏற்கெனவே வெளியிடப்பட்டுள்ளதாகவும் அமைச்சர் அவர்கள் கூறினார்கள்.

 

ஹெக்டர் கொப்பேகடுவ விவசாய ஆராய்ச்சி நிறுவகம் அரசாங்கம் எதிர்பார்த்த கரும பணிகளை நிறைவேற்றி வந்தாலும் கூட, இந்த சந்தர்ப்பத்தில் மிகவும் முக்கியமான சில விடயங்கள் சம்பந்தமாக மதிப்பாய்வு அறிக்கைகள் தயாரிக்கப்பட வேண்டியிருந்தும் அது தொடர்பாக நிறுவகம் எந்தவொரு கவனத்தையும் செலுத்தவில்லை எனவும் அமைச்சர் அவர்கள் மேலும் சுட்டிக் காட்டினார்கள். பல உலக நாடுகள் திரவ பாலுக்கு பழக்கப்பட்டிருக்கின்ற போதிலும் எமது நாட்டு மக்கள் பால் மாவை கொள்வனவு செய்ய வரிசைகளில் நின்று காலத்தை கழிப்பது ஏன் என்பது பற்றி மதிப்பாய்வு செய்து ஒரு அறிக்கையை பெற்றுக் கொடுப்பது இந்த நிறுவகத்தின் பொறுப்பாகும் எனவும் அமைச்சர் அவர்கள் சுட்டிக் காட்டினார்கள். விஷேடமாக விதைகளை இறக்குமதி செய்வதற்கு செலவாகும் பணத்தை சேமித்து இந்த நாட்டில் விதைகளை உற்பத்தி செய்ய முடியாதா என்பது பற்றிய ஒரு மதிப்பாய்வை மேற்கொள்ளாதது ஏன் என அமைச்சர் அவர்கள் இதன் போது கேள்வி எழுப்பினார்கள். ஜனாதிபதி கோட்டாபய ராஜபக்ஷ அவர்கள் இரசாயன உரங்களையும் மற்றும் மருந்து பதார்த்தங்களையும் இறக்குமதி செய்வதை தடை செய்து சேதன உரங்களுக்கும் மற்றும் மருந்துகளுக்கும் விவசாயிகளை ஊக்குவித்து பழக்கப்படுத்தும் முகமாக பல நடவடிக்கைகள் எடுக்கப்பட்டிருந்த போதிலும் இந்த நாட்டில் இயற்கை விவசாயம் பற்றி மக்கள் தெரிவிக்கும் அவர்களின் கருத்துக்கள் மற்றும் அவர்களின் மனோபாவங்கள் என்பன பற்றிய மதிப்பாய்வை மேற்கொள்ள விவசாய ஆராய்ச்சி மற்றும் பயிற்சி நிறுவகம் கவனத்தை செலுத்த வேண்டும் எனவும் அமைச்சர் அவர்கள் சுட்டிக் காட்டினார்கள். வெளிநாடுகளில் 01 ஹெக்டேயர் வயல் காணியிலிருந்து 10 - 12 மெற்றிக் டொன் விளைச்சல்கள் பெறப்படுகின்றன. எனினும் இந்த நாட்டில் 01 ஹெக்டேயர் வயல் காணியிலிருந்து 4.6 மெற்றிக் டொன்னுக்கு அதிகமான விளைச்சலை பெற்றுக் கொள்ள முடியாது இருந்தும் அதற்கான காரணங்களை ஆராய்ந்து பார்ப்பதற்கு அல்லது அது தொடர்பான ஒரு மதிப்பாய்வை மேற்கொண்டு ஒரு அறிக்கையை சமர்ப்பிப்பதற்கு விவசாய ஆராய்ச்சி நிறுவகம் கவனம் செலுத்தாமல் இருப்பது கவலைக்குரிய ஒரு விடயமாகும் எனவும் அமைச்சர் அவர்கள் இதன் போது மேலும் சுட்டிக் காட்டினார்கள். விவசாய துறையில் 04 மாஃபியாக்கள் இயங்குவதாக சுட்டிக் காட்டிய அமைச்சர் அவர்கள் அந்த மாஃபியாக்களால் விவசாயிகளுக்கும் மற்றும் நுகர்வோருக்கும் அனுபவிக்க நேர்ந்துள்ள கஷடங்களையும் இடையூறுகளையும் தவிர்த்து மிகவும் வினைத் திறனாகவும் மற்றும் வெளிப்படையாகவும் நடைமுறைப்படுத்தக் கூடிய முறையியல்கள் பற்றி ஹெக்டர் கொப்பேகடுவ விவசாய ஆராய்ச்சி நிறுவகம் அரசாங்கத்திற்கு அறிவுரைகளை வழங்கக் கூடிய மட்டத்தில் இருக்கின்றது. என்றாலும், அதன் நிமித்தம் நிறுவகத்தின் முயற்சி போதுமானளவு இல்லை எனவும் அமைச்சர் அவர்கள் சுட்டிக் காட்டினார்கள்

 

 

ஜயசூரிய உடுகும்புர

கௌரவ அமைச்சரின் ஊடக செயலாளர் 

சகல பொருளாதார நிலையங்களும் நாளை (11) ஆம் திகதி முதல் திறப்பதற்கு கோவிட் தடுப்பு சிறப்புச்செயலணி அனுமதி அளித்துள்ளது

ஜனாதிபதி அவர்களின் தலைமையில் இன்று நடைபெற்ற கோவிட் தடுப்பு சிறப்புச்செயலணிக் கூட்டத்தில் கமத்தொழில் அமைச்சர் மஹிந்தானந்த அளுத்கமகே அவர்கள் விடுத்த வேண்டுகோளுக்கு இணங்க இந்த வாய்ப்பு கிடைத்துள்ளது. அதற்கு அமைய விவசாயிகளின் உற்பத்திகளை விற்பனை செய்யவும் மற்றும் நுகர்வு தேவைகளை பூர்த்தி செய்யவும் முடியும் என கமத்தொழில் அமைச்சர் மஹிந்தானந்த அளுத்கமகே கூறினார்கள். இந்த சந்தர்ப்பத்தில் பொருளாதார நிலையங்களுக்கு மரக்கறி வகைகளை கொண்டு வருகின்ற வியாபாரிகளுக்கும் மற்றும் அவற்றை கொள்வனவு செய்ய வருகின்ற வியாபாரிகளுக்கும் மற்றும் நுகர்வோருக்கும் இந்த கிடைத்த வாய்ப்பை சுகாதார பாதுகாப்பு முறைகளை பின்பற்றி உரிய விதத்தில் முகாமை செய்து கொள்ளுமாறும் அமைச்சர் அவர்கள் இதன் போது கேட்டுக் கொண்டார்கள்.

 

பொருளாதார நிலையங்களுக்கு கொண்டுவரப்படும் மரக்கறி வகைகள் மற்றும் உணவுப் பொருட்கள் என்பவற்றை அரசாங்க அதிபர்களினதும் பிரதேச செயலாளர்களினதும் கண்காணிப்பின் கீழ் கிராம மட்டங்களில் பகிர்ந்தளிக்கும் ஒரு முறையியல் தயாரிக்கப்பட்டுள்ளதாகவும் அமைச்சர் அவர்கள் மேலும் குறிப்பிட்டார்கள்.

பெரும்போகத்திற்கு பரசூட்டு தட்டுக்களை குறைந்த விலையில் விநியோகிக்க பேச்சுவார்த்தை

எதிர்வரும் பெரும்போகத்தில் பெரும் நீர்ப்பாசனத் திட்டத்தின் கீழ் நெல் பயிரிடும் விவசாயிகளுக்கு தேவையான பரசூட்டுத் தட்டுக்களை குறைந்த விலையில் பெற்றுக் கொடுப்பதற்குள்ள சாத்தியம் பற்றி அந்த பரசூட்டுத் தட்டுக்களை உற்பத்தி செய்கின்ற இந்நாட்டு கைத்தொழில் தரப்புகளுடன் கமத்தொழில் அமைச்சர் மஹிந்தானந்த அளுத்கமகே அவர்கள் முந்தைய நாள் (3) பேச்சுவார்த்தையை நடத்தினார்கள். தற்பொழுது சந்தையிலுள்ள ஒரு பரசூட்டுத் தட்டின் விலை சுமார் 47/= ரூபா அளவில் காணப்படுகின்றது. ஆகையால் அந்த விலையை குறைத்து விவசாயிகளுக்கு தேவையான பரசூட்டுத் தட்டுக்களை குறைந்த விலையில் பெற்றுக் கொடுப்பதற்கு நடவடிக்கை எடுக்குமாறும் மற்றும் அதன் நிமித்தம் அரசாங்கத்தால் தேவை எனில் அந்த உற்பத்தி தரப்புகளுக்கு உதவியை பெற்றுக் கொடுக்க முடியும் எனவும் அமைச்சர் அவர்கள் இதன் போது தெரிவித்தார்கள்.

 

இதற்கிடையில் பரசூட்டுத் தட்டுக்களை இறக்குமதி செய்கின்ற போது அறவிடப்படும் வரியை குறைப்பதற்கு அல்லது நீக்குவதற்கு நடவடிக்கை எடுக்குமாறு அமைச்சர் அவர்கள் நிதி அமைச்சின் செயலாளரிடம் கேட்டுக் கொண்டார்கள்.

 

பெரும் நீர்ப்பாசனத் திட்டத்தின் கீழ் பயிர்களை பயிரிடும் விவசாயிகளுக்கு இந்தப் பெரும்போகத்தில் 30 நாட்கள் நீரை விநியோகிக்க தீர்மானிக்கப் பட்டுள்ளதால் வயல்களில் களைகளை நீரில் மூழ்கடிக்கச் செய்து கட்டுப் படுத்துவதற்கும் அந்த வயல்களில் பரசூட்டுத் தட்டுக்களின் உதவியுடன் நெல்லை பயிரிடுவதற்கும் விவசாயிகள் அதிக அக்கறை காட்டுவதால் இந்த பெரும்போகத்திற்கு 2 மில்லியன் பரசூட்டுத் தட்டுக்கள் மேலதிகமாக தேவைப்படும் என தெரிய வந்துள்ளது. ஒரு ஏக்கர் வயலுக்கு மாத்திரம் 350 - 400 இடையிலான பரசூட்டுத் தட்டுக்கள் தேவைப்படும். இந்த அளவிலான பரசூட்டுத் தட்டுக்களை கொள்வனவு செய்ய விவசாயிகள் அதிக பணத்தை செலவு செய்ய வேண்டியிருப்பதால் குறைந்த விலையில் இந்தப் பரசூட்டுத் தட்டுக்களை பெற்றுக் கொடுக்க கமநல சேவைகள் திணைக்களத்திற்கு ஆற்றல் உண்டா என்பது பற்றி ஆராய்ந்து தனக்கு அறியப்படுத்துமாறு கமநல சேவைகள் ஆணையாளர் நாயகத்திற்கு அமைச்சர் அவர்கள் உரிய அறிவுரைகளை வழங்கியுள்ளார்கள்.

 

 

ஜயசூரிய உடுகும்புர

கௌரவ அமைச்சரின் ஊடக செயலாளர்

புதிய அத்தியாவசிய சேவைகள் ஆணையாளர் நாயகத்திற்கும் மற்றும் கமத்தொழில் அமைச்சருக்கும் இடையில் நடைபெற்ற பேச்சுவார்த்தை

ஜனாதிபதி கோட்டாபய ராஜபக்ஷ அவர்களினால் புதிதாக நியமிக்கப்பட்ட அத்தியாவசிய சேவைகள் ஆணையாளர் நாயகம் ப்ரிகேடியர் திரு நிவுன்ஹெல்ல அவர்கள் மற்றும் நுகர்வோர் விவகாரங்கள் அதிகார சபை தலைவர் மற்றும் அதிகாரிகள், நெற் சந்தைப்படுத்தல் சபை தலைவர் மற்றும் அதிகாரிகள் ஆகியோருடன் அத்தியாவசிய உணவுகள் சேகரிப்பு பற்றிய ஒரு விஷேட கலந்துரையாடல் இன்று (31) கமத்தொழில் அமைச்சில் நடைபெற்றது.

 

கௌரவ கமத்தொழில் அமைச்சர் மஹிந்தானந்த அளுத்கமகே அவர்களின் தலைமையில் நடைபெற்ற இந்த கலந்துரையாடலில் நுகர்வோர் விவகார இராஜாங்க அமைச்சர் லசந்த அழகியவன்ன மற்றும் அந்த அமைச்சின் செயலாளர் அடங்கலாக உயர் அதிகாரிகள் பலரும் கலந்து கொண்டனர். நாட்டில் அத்தியாவசிய உணவுப் பொருட்களுக்கு நிலவும் பற்றாக்குறை மற்றும் அத்தகைய உணவுப் பொருட்களுக்கு பற்றாக்குறை நிலவுவதாக கூறி வியாபாரிகள் எடுத்துள்ள நடவடிக்கைகள் மற்றும் அவற்றுக்கு முகம் கொடுக்கக் கூடிய விதம் என்பன பற்றி இந்த கலந்துரையாடலின் போது விஷேடமாக கலந்துரையாடப்பட்டது.

 

WhatsApp Image 2021-08-31 at 4.53.10 PM

 

 

ஜயசூரிய உடுகும்புர

கௌரவ அமைச்சரின் ஊடக செயலாளர்                                                                                                                               

சேதன உர உற்பத்தியின் நிமித்தம் ஒரு கமநல சேவை நிலையத்திற்கு 10 இலட்சம் ரூபா வீதம்

நாடு முழுதிலும் அமைந்துள்ள ஒவ்வொரு கமநல சேவை நிலையமும் 100 மெற்றிக் டொன் வீதம் சேதன உரத்தை உற்பத்தி செய்ய வேண்டும் என கமத்தொழில் அமைச்சர் மஹிந்தானந்த அளுத்கமகே கூறுகின்றார்கள். இதன் நிமித்தம் ஒரு கமநல சேவை நிலையத்திற்கு 10 இலட்சம் ரூபா வீதம் ஒதுக்கப்பட்டுள்ளதாகவும் அமைச்சர் அவர்கள் சுட்டிக் காட்டினார்கள். இதற்கு இடையில் விவசாயிகளுக்கு தேவையான சேதன நைதரசன் மற்றும் பொட்டாசியம் ஆகியன ஏற்கெனவே இறக்குமதி செய்யப்பட்டுள்ளதாக சுட்டிக் காட்டிய அமைச்சர் அவர்கள், ஒவ்வொரு விவசாயிக்கும் அந்த உரங்கள் இலவசமாக பெற்றுக் கொடுக்கப்படும் எனவும் கூறினார்கள். அதே போல் தற்பொழுது சேதன உரங்கள் உற்பத்தியின் நிமித்தம் பதிவு செய்துள்ள விவசாயிகளுக்கு இந்த மாதம் 15 ஆம் திகதிற்கு முன்னர் 7500 ரூபா ஆரம்ப கொடுப்பனவு தொகையை செலுத்தி முடிக்க வேண்டும் எனவும் அமைச்சர் அவர்கள் கமநல உத்தியோகத்தர்களுக்கு அறிவுரை வழங்கினார்கள். மேலும் கருத்துத் தெரிவித்த அமைச்சர் அவர்கள், நெல் பயிர்ச் செய்கைக்கு தேவையான ஒட்டுமொத்த சேதன உரங்களையும் அந்தந்த கமநல சேவை நிலையத்தின் கண்காணிப்பில் உற்பத்தி செய்து கொள்ள வேண்டும் எனவும் சுட்டிக் காட்டினார்கள்.

 

சமூக வலையமைப்பு

        கமத்தொழில்  அ​​மைச்சு 

 

 

இல. 80/5,

கொவி மந்திரய,

மல்வத்தைழுங்கை,

பத்தரமுல்லை, இலங்கை.

தொ/பே: +94-11-2034300

 

மின்-அஞ்சல்:

இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.


பதிப்புரிமை - 2019 

கமத்தொழில் அமைச்சு

சகல பதிப்புரிமைகளும் அமைச்சுக்குரியது 

 

 தீர்வு மூலம்