කෂකරම සහ වවල කරමනත අමත යශය 3

   



2022/23 මහ කන්නය සඳහා ත්‍රිත්ව සුපර් පොස්පේට් පොහොර ප්‍රසම්පාදනය

s.jpg

 

පෝරම ලබා ගැනීමට මෙතන ක්ලික් කරන්න

 

Any person/organization/ institution who is interested in bidding for the procurement of TSP fertilizer for Maha Season 2022 is requested to send his/organization’s/ Institution’s Email and Telephone numbers to the Email address procurement_sma@agrimin.gov.lk for the purpose of informing on pre – bid meeting.

කැබිලිත්ත රක්ෂිත වනාන්තරයට අයත් ඉඩම් බලහත්කාරයෙන් අල්ලා ගැනීමට කටයුතු කරන ජාවාරම්කරුවන් හා පුද්ගලයින් අත්අඩංගුවට ගෙන නඩු පැවරීමට තීරණය කරයි

   වගාවට යැයි කියමින් කැබිලිත්ත වනාන්තරයට අයත් ඉඩම් බලහත්කාරයෙන් අත්පත් කර ගැනීමට මොණරාගල ඇතැම් පුද්ගලයින් ඊයේ (31) සහ අද (01) දින තුළ උත්සාහ දරමින් සිටින බවට වන සංරක්ෂණ අමාත්‍යාංශයට වාර්තා වී ඇත.

Read more: කැබිලිත්ත රක්ෂිත වනාන්තරයට අයත් ඉඩම් බලහත්කාරයෙන් අල්ලා ගැනීමට කටයුතු කරන ජාවාරම්කරුවන් හා ...

යල කන්නයේ වී ගොවිතැන සඳහා අවශ්‍ය ඉන්ධන නිකුත් කිරීම

යල කන්නයේ වී ගොවිතැන සඳහා අවශ්‍ය ඉන්ධන නිකුත් කිරීම කඩිනම් කිරීමේ වැඩපිළිවෙළක්

 2022 යල කන්නය මේ වන විට ආරම්භ වී තිබේ. එහෙත් දිවයිනේ සෑම කෘෂිකාර්මික ප්‍රදේශයකින්ම ගොවීන්ට සී සෑම සඳහා අවශ්‍ය ඉන්ධන නොමැතිකම නිසා ඔවුන් දැඩි දුෂ්කරතාවලට මුහුණ පා සිටින බව කෘෂිකර්ම, වන ජීවි හා වන සම්පත් සංරක්ෂණ අමාත්‍ය මහින්ද අමරවීර මහතා පෙන්වා දුන්නේය.

 එම නිසා යල කන්නයට අවශ්‍ය ඉන්ධන කඩිනමින් නිකුත් කිරීමේ වැඩපිළිවෙලක් කඩිනමින් සකස් කිරීමට විශේෂ සාකච්ඡාවක් ඊයේ (24) පස්වරුවේ කෘෂිකර්ම අමාත්‍යාංශයේදී පැවැත්විණ.

 ඒ අනුව කෘෂිකර්ම අධ්‍යක්ෂ ජනරාල් විසින් දිවයිනේ දිස්ත්‍රික් 25ම ආවරණය වන පරිදි ඉන්ධන නිකුත් කිරීමේ පහසුකම සැලසීම සඳහා තෝරාගත් ඉන්ධනහල් 217ක නාමලේඛනයක් අමාත්‍යවරයා වෙත ලබා දුන් අතර, එම ඉන්ධනහල් මඟින් ගොවීන්ට සී සෑම සඳහා අවශ්‍ය ඉන්ධන අඛණ්ඩව නිකුත් කිරීමට තීරණය කරනු ලැබීය. ඒ යටතේ එම ඉන්ධනහල් ලැයිස්තුවට අදාළ ඉන්ධන අඛණ්ඩව නිකුත් කරන ලෙස ඉල්ලා කෘෂිකර්ම අමාත්‍යවරයාගේ නියෝගය පරිදි කෘෂිකර්ම අමාත්‍යාංශය විසින් ඊයේ (24) පස්වරුවේම විදුලිබල හා බලශක්ති අමාත්‍යවරයා වෙත ලිපියක් මඟින් දැනුම් දෙනු ලැබීය.

 කෘෂිකර්ම අමාත්‍ය මහින්ද අමරවීර මහතා විදුලිබල හා බලශක්ති අමාත්‍ය කංචන විජේසේකර මහතා සමඟ මේ සම්බන්ධයෙන් සාකච්ඡා කළ අතර, යල කන්නයේ වගාව සඳහා අවශ්‍ය අතිරේක ඉන්ධන පවා ලබාදීමට විදුලිබල හා බලශක්ති අමාත්‍යවරයා තමන් සමඟ එකඟ වු බව කෘෂිකර්ම අමාත්‍යවරයා ප්‍රකාශ කරයි.

 ඒ අනුව ගොවීන්ට තමන්ගේ කුඹුරුවල සී සෑම සඳහා අවශ්‍ය ඉන්ධන ගොවිජන සේවා මධ්‍යස්ථානවල අනුමැතිය සහිත ලිපියක් ඉදිරිපත් කිරීම මඟින් අදාළ බලය ලත් ඉන්ධනහල්වලින් භාජනවලට අවශ්‍ය ඉන්ධන ප්‍රමාණය ලබා ගැනීමට පිළිවන.

 2022 යල කන්නය අතිශයින් තීරණාත්මක වගා කන්නයක් බවට පත් වී තිබේ. එයට හේතුව නම් පසුගිය මහ කන්නය අසාර්ථකවීම නිසා වී අස්වැන්න හරි අඩකින් පමණ අවම වී තිබීමත්, විශේෂයෙන් 2022 මහ කන්නය සඳහා අවශ්‍ය බිත්තර වී ලබා ගැනීමට නම්, යල කන්නය අනිවාර්යයෙන් සාර්ථක කර ගැනීම අත්‍යවශ්‍ය වේ. යල කන්නය අසාර්ථක වුවහොත් ඊළඟ මහ කන්නය සඳහා අවශ්‍ය බිත්තර වී හිඟයක් ඇති වීමට ඉඩ ඇති බව ද කෘෂිකර්ම අමාත්‍යවරයා ඊයේ (24) සාකච්ඡාවේදී පෙන්වා දුන්නේය.

 ඒ අනුව යල කන්නය සඳහා සී සෑමට අවශ්‍ය ඉන්ධන වහාම අදාළ ඉන්ධනහල් මඟින් ගොවීන් වෙත නිකුත් කිරීමට කටයුතු කරන බව විදුලිබල හා බලශක්ති අමාත්‍යවරයා කෘෂිකර්ම අමාත්‍යවරයාට දැනුම් දී ඇත.

ශ්‍රී ලංකාව රටකජුවලින් ස්වයංපෝෂිතයි

  ආහාර බෝගයක් ලෙස වගා කෙරෙන රටකජු බෝගය මේ වනවිට ජාතික අවශ්‍යතා මට්ටම ඉක්මවා, දෙගුණයක පමණ අස්වැන්නක් වාර්තා කර ඇතැයි කෘෂිකර්ම දෙපාර්තමේන්තුව පවසයි.

 අප රටේ වගා කෙරෙන ආහාර බෝග ප්‍රවර්ධනය සඳහා පත් කර ඇති බෝග නායකවරු සමඟ කෘෂිකර්ම අමාත්‍ය මහින්ද අමරවීර මහතා පසුගියදා පැවැති සාකච්ඡාවකදී ශ්‍රී ලංකාවේ රටකජු වගාව සම්බන්ධව කරුණු විමසනු ලැබීය.

 අප රටේ වාර්ෂික රටකජු අවශ්‍යතාව මෙ.ටො. 30,000කි. නමුත් 2021 අවසන් වනවිට රටකජු වගාවෙන් ලද අස්වැන්න ප්‍රමාණය මෙ.ටො.64,000ක් ඉක්මවා ඇතැයි රටකජු වගාව පිළිබඳව බෝග නායක නියෝජ්‍ය අධ්‍යක්ෂ එස්.එන්.පී. වීරකෝන් මහතා ප්‍රකාශ කළේය.

 කෘෂිකර්ම දෙපාර්තමේන්තුව විසින් හඳුන්වා දී ඇති නව රටකජු ප්‍රභේදයක් වන ලංකා ජම්බෝ නැමැති රටකජු ප්‍රභේදය නිසා ජම්බෝ පීනට්ස් නිෂ්පාදනයට පිටරටින් ආනයනය කරනු ලබන තොග පවා අත්හිටුවීමට මේ නිසා හැකි වී ඇත. දැනට ජම්බෝ පීනට්ස් නිෂ්පාදනය සඳහා යොදා ගනු ලබන්නේ, ශ්‍රී ලංකාවේ නිෂ්පාදිත ප්‍රභේදය බැවින් මෙතෙක් විදේශ රටවලට ඇදී ගිය විශාල මුදලක් ඉතිරි කර ගැනීමට ද හැකි වී තිබේ.

 රටකජු අමතර අස්වැන්න යොදා ගැනීම මඟින් ඒ ආශ්‍රිත නිෂ්පාදන ප්‍රවර්ධනය සඳහා කටයුතු යොදන ලෙස අමාත්‍යවරයා කෘෂිකර්ම දෙපාර්තමේන්තුවේ නිලධාරීන්ට උපදෙස් දුන්නේය. විශේෂයෙන් සිරුරට හිතකර රටකජු තෙල් හා රටකජු බටර් නිෂ්පාදන වැඩපිළිවෙලක් ආරම්භ කරන ලෙසත්, තවදුරටත් රටකජු වගාව ව්‍යාප්ත කිරීමට පියවර ගත යුතු බවත් අමාත්‍යවරයා පැවසීය.

 රසායනික පොහොර හෝ කෘමිනාශක භාවිතයෙන් තොරව වගා කළ හැකි බෝගයක් වන රටකජු මෙන්ම එවැනි තවත් බෝග වර්ග වගා කිරීම කෙරෙහි වැඩි අවධානයක් යොමු කරන ලෙසත්, ගොවි ජනතාව ඒ සඳහා උනන්දු කළ යුතු බවත් කෘෂිකර්ම අමාත්‍ය මහින්ද අමරවීර මහතා පැවසීය.

පසුගියදා ගිනිබත් වූ ඇතැම් දේශපාලකයින්ගේ නිවෙස් තුළ තිබී හමු වූ රසායනික පොහොර තොග

පසුගියදා ගිනිබත් වූ ඇතැම් දේශපාලකයින්ගේ නිවෙස් තුළ තිබී හමු වූ රසායනික පොහොර තොග සම්බන්ධව වහාම විමර්ශනයක් සිදුකරන ලෙස කෘෂිකර්ම අමාත්‍ය මහින්ද අමරවීර මහතා උපදෙස් දෙයි.

 පසුගියදා සිදුවූ කලකෝලාහාල නිසා ඇතැම් කලහකාරී පිරිස් විසින් දේශපාලඥයින් රැසකගේ නිවාස ගිනිබත් කරන ලදී. ඉන් අනතුරුව ඇතැම් දේශපාලඥයින්ගේ නිවාසවල තිබී යූරියා පොහොර මිටි විශාල වශයෙන් හමුවූ බවට ජනමාධ්‍ය ඔස්සේ හා සමාජ මාධ්‍ය ඔස්සේ තොරතුරු පළවී තිබුණි.

 

 මෙම කාරණාව සම්බන්ධව ජනමාධ්‍යවේදීන් විසින් ඊයේ (23) කෘෂිකර්ම, වනජීවී හා වන සම්පත් සංරක්ෂණ අමාත්‍ය මහින්ද අමරවීර මහතාගෙන් කරුණු විමසනු ලැබීය. ඊට පිළිතුරු දුන් ඇමතිවරයා එම දේශපාලඥයින්ගේ නිවාසවල තිබී හමු වූ යූරියා පොහොර තොග සම්බන්ධව වහාම විමර්ශනයක් කිරීමට කටයුතු යොදන බව සඳහන් කළේය.

 

 විශේෂයෙන් මෙම රසායනික පොහොර ගොවීන් හට සහනාධාර වශයෙන් ලබාදී තිබූ පොහොර ද, එසේ නොමැතිනම් වර්තමානයේ පවතින මිල ගණන් යටතේ ඔවුන් විසින් පෞද්ගලික වෙළඳුන්ගෙන් මිලදී ගත් පොහොර ද, එසේත් නොමැතිනම් පොහොර ලේකම් කාර්යාලයෙන් මීට පෙර නිකුත් කරන ලද පොහොර තොග ද යන්න සම්බන්ධව පැහැදිලි වාර්තාවක් තමන්ට භාරදෙන ලෙස අමාත්‍යවරයා ජාතික පොහොර ලේකම් කාර්යාලයට උපදෙස් දෙනු ලැබීය.

 

 එමෙන්ම ගොවීන්ට ඔවුන්ගේ වගා‍වන් සඳහා රසායනික පොහොර නොමැති අවස්ථාවක ඇතැම් දේශපාලඥයින් ඔවුන්ගේ නිවාසවල පොහොර ගබඩා කර තිබීම සම්බන්ධයෙන් තමන් ද විමතියට පත්වූ බව අමාත්‍යවරයා මෙහිදී ප්‍රකාශ කළේය.

 

 කෙසේ වුවද ජාතික පොහොර ලේකම් කාර්යාලයේ වාර්තා ලැබීමෙන් පසුව එම ගිනිගත් නිවාසවල තිබී හමුවූ පොහොර සම්බන්ධයෙන් පාර්ලිමේන්තුවේදී විශේෂ ප්‍රකාශයක් සිදුකරන බවද අමාත්‍යවරයා සඳහන් කළේය.

 

සමාජීය

කෘෂිකර්ම හා වැවිලි කර්මාන්ත අමාත්‍යාංශය
 

80/5,

ගොවිජන මන්දිරය,

රජමල්වත්ත පටුමග,

බත්තරමුල්ල, ශ්‍රී ලංකාව.

දුරකථන : +94-11-2034300

 

ඊ- මේල් : info@agrimin.gov.lk

ප්‍රකාශන හිමිකම © 2019  කෘෂිකර්ම අමාත්‍යාංශය

සියලු හිමිකම් ඇවිරිණි

සැලසුම් නිර්මාණය