පාලන II

අංශය පිළිබඳ හැඳින්වීම

කෘෂිකර්ම අමාත්‍යාංශය යටතේ පවතින කෘෂිකාර්මික හා ගොවිජන රක්ෂණ මණ්ඩලය, වී අලෙවි මණ්ඩලය, ශ්‍රී ලංකා කෘෂිකාර්මික පර්යේෂණ ප්‍රතිපත්ති සභාව, හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු ආයතනය යන ආයතනයන්හි අමාත්‍යාංශයට අදාල ආයතන හා පාලන කටයුතු මෙම අංශය මඟින් සිදු කරනු ලබයි.

එසේම මෙම අමාත්‍යාංශයට අදාලව පහත සඳහන් විෂය කටයුතුද පාලන II අංශය වෙත පැවරී ඇත.

• අමාත්‍ය මණ්ඩල සංදේශ ඉදිරිපත් කිරීම
• අමාත්‍ය මණ්ඩල සංදේශ සඳහා නිරීක්ෂණ ලබාදීම
• පාර්ලිමේන්තු වාචික ප්‍රශ්න සඳහා පිළිතුරු සැපයීම
• සහනදායී මෝටර් රථ ආනයන බලපත්‍ර නිකුත් කිරීම
• පාර්ලිමේන්තු ආංශික අධීක්ෂණ විෂය කටයුතු
• පාර්ලිමේන්තු උපදේශක කාරක සභා විෂය කටයුතු
• මහජන පෙත්සම් කාරක සභා විෂය කටයුතු
• අයවැය විවාද අවස්ථාව සම්බන්ධීකරණ කටයුතු
• “ජනපති සවනට වැඩසටහන” සම්බන්ධීකරණය
• ජනපති කාර්යාලයෙන් ලැබෙන මහජන පැමිණිලි සම්බන්ධ ක්‍රියාකිරීම
• අගමැති කාර්යාලයෙන් ලැබෙන මහජන පැමිණිලි සම්බන්ධ ක්‍රියාකිරීම
• මානව හිමිකම් කොමිෂන් සභාවෙන් ලැබෙන පැමිණිලි සම්බන්ධ කටයුතු
• මැතිවරණ සම්බන්ධ කටයුතු

අංශය මඟින් සපයන සේවාවන්

මෙම අමාත්‍යාංශය වෙත යොමු වන මහජන පැමිණිලි සම්බන්ධයෙන් සෘජුවම මැදිහත් වී ක්‍රියා කිරීම පාලන II අංශය මඟින් සපයනු ලබන සේවාවන් අතර ප්‍රධාන වේ. එසේම අමාත්‍යාංශ විෂය පථයට අදාලව ජනාධිපති කාර්යාලය, අග්‍රාමාත්‍ය කාර්යාලය, මානව හිමිකම් කොමිෂන් සභාව, මහජන පෙත්සම් පිළිබඳ කාරක සභාව ආදී ආයතන වෙත යොමු වන පැමිණිලි සම්බන්ධයෙන් ද කඩිනම් ක්‍රියාමාර්ග ගැනීම තුළින් මහජනතාව වෙත සුවිශාල සේවාවක් සිදු කිරීම සඳහා පාලන II අංශය නිරන්තරයෙන් ක්‍රියා කරනු ලබයි.

අංශයෙහි මාණ්ඩලික හා අනෙකුත් නිලධාරීන්ට අදාල තනතුරු නාමයන්, දුරකතන අංක, ෆැක්ස් අංක, ඊමේල් ලිපිනයන් පිළිබඳ විස්තර