English (UK)SinhalaSriLankaTamilIndia


හෙක්ටර් කොබ්බෑකඩුව 38වන ගුණ සැමරුම අදයි. ( 18 )

දිවංගත හෙක්ටර් කොබ්බෑකඩුව හිටපු කෘෂිකර්ම අමාත්‍යවරයාගේ 38වන ගුණ සමරුව හෙට ( 18 ) හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු මධ්‍යස්ථානයේදී පැවැත්වේ. දිවංගත අග්‍රාමාත්‍ය දි. මු. ජයරත්න මහතා විසින් ආරම්භ කරන ලද හෙක්ටර් කොබ්බෑකඩුව සංසදය විසින් මෙම ගුණ සමරු උළෙල සංවිධානය කර ඇත.

සෞඛ්‍යය මාර්ගෝපදේශවලට අනුව ඉතාම චාම්ව පවත්වන මෙම ගුණ සමරු උත්සවයට රාජ්‍ය අමාත්‍ය හා හෙක්ටර් කොබ්බෑකඩුව සංසදයේ සභාපති අනුරාධ ජයරත්න මහතා ඇතුළු මැති ඇමතිවරු කිහිපදෙනෙකු සහභාගී වීමට නියමිත බවත්, පහන් දල්වා පුෂ්පෝපහාරයකින් ගුණ සමරුව අවසන් කරන බවත්, හෙක්ටර් කොබ්බෑකඩුව සංසදයේ ලේකම් අමිල සුදේහ පියසිංහ මහතා කීවේය.

කෘ.ප.නි.ස නිලධාරීන්ටත් ටැබ් පරිගණක ලබාදෙයි.

කෘෂිකර්ම අමාත්‍යාංශයේ ප්‍රථම වතාවට ස්ථාපිත කෙරෙන දත්ත ගබඩාවට දිවයින පුරා කෘෂිකර්මයට අදාල තොරතුරු ලබාගැනීම සඳහා කෘෂිකර්ම පර්යේෂණ නිෂ්පාදන සහකාර නිලධාරීන්ටත් කෘෂිකර්ම ක්ෂේත්‍ර නිලධාරීණ්ටත් ටැබ් පරිගණක 10,000 ක් ලබාදීමට කෘෂිකර්ම අමාත්‍යාංශය සැලසුම් කර තිබේ. කෘෂිකර්ම අමාත්‍ය මහින්දානන්ද අලුත්ගමගේ මහතාගේ යෝජනාවක් අනුව ක්‍රියාත්මක වන මෙම වැඩපිළිවෙල සඳහා කෘෂිකර්ම අමාත්‍යාංශය, තාක්ෂණ රාජ්‍ය අමාත්‍යාංශය, ගොවිජන සේවා දෙපාර්තමේන්තුව, කෘෂි රක්ෂණ මණ්ඩලය, කෘෂිකර්ම දෙපාර්තමේන්තුව හා කෘෂි රක්ෂණ මණ්ඩලය යටතේ ඇති ආයතන දායකත්වය ලබා දී ඇත.

 

මෙම දත්ත පද්ධතිය සකස් කිරීමෙන් පසු කෘෂිකර්ම සත්ත්ව නිෂ්පාදන හා ආර්ථික මධ්‍යස්ථාන යන ක්ෂේත්‍රයන්හි සිදුවන දූෂණ, වංචා, හොරකම හා නාස්තිය වැලකෙන බවත් එමගින් වාර්ෂිකව රුපියල් මිලියන පන්සියයක් පමණ ඉතිරි කර ගත හැකි බවත් අමාත්‍ය මහින්දානන්ද අලුත්ගමගේ මහතා සඳහන් කරයි. එළඹෙන දෙසැම්බර් මාසය වනවිට මෙම දත්ත පද්ධතියේ 50%ක කටයුතු නිම කිරීමට අපේක්ෂා කරන බව එතුමා සඳහන් කළේය. මෙම දත්ත පද්ධතිය ක්‍රියාවට නැංවීමෙන් පසු දිවයිනේ කෘෂිකර්ම සත්ත්ව නිෂ්පාදන ක්ෂේත්‍රයේ ඒ මොහොතේ පවතින තොරතුරු ක්ෂණිකව අනාවරණය කර ගත හැකි බව ද අමාත්‍යවරයා පෙන්වා දුන්නේය. මෙම වැඩපිළිවෙලට කෘ.ප.නි.ස නිලධාරීන් හා අදාළ සියලු නිලධාරීන් පුහුණු කිරීමේ වැඩසටහනක් ද සුදානම් කර ඇති බව අමාත්‍යවරයා සඳහන් කළේය.

 

 

ජයසූරිය උඩුකුඹුර

ගරු අමාත්‍යතුමාගේ මාධ්‍ය ලේකම්

මෙරට තරුණයින් දහසකට ජපානයේ ගොවිපල රැකියා සඳහා දොර ඇරේ.

මෙරට තරුණතරුණයින් දහසකට ජපානයේ කෘෂිකාර්මික ගොවිපලවල රැකියා අවස්ථා ලබා දීමට ජපාන රජය එකඟ වී තිබේ. ජපානයේ ශ්‍රී ලංකා තානාපති සංජිත් ගුණසේකර මහතාගේ මෙහෙයවීම මත මීට අදාළ අවබෝධතා ගිවිසුම ඉදිරි දෙසතිය තුළ අත්සන් කිරීමට සූදානම් කරන බව අද (15) පෙරවරුවේ සූම් තාක්ෂණය ඔස්සේ සාකච්ඡාවකට සම්බන්ධ වූ ජපානයේ ශ්‍රී ලංකා තානාපති ගුණසේකර මහතා කිවේය. මෙම අතත්‍ය සාකච්ඡාවට සහභාගි වූ කෘෂිකර්ම අමාත්‍ය මහින්දානන්ද අලුත්ගමගේ මහතා ශ්‍රී ලංකාවේ තරුණ පිරිසකට ජපානයේ රැකියා අවස්ථා දහසක් ලබා දීමට මැදිහත් වීම සම්බන්ධයෙන් ජපානයේ ශ්‍රී ලංකා තානාපතිවරයාට කෘතඥතාව පල කළේය. මෙම රැකියා අවස්ථා සහා තෝරා ගනු ලබන තරුණ පිරිසට විදේශ සේවා නියූක්ති කාර්යාංශය සම එක්ව අවශ්‍ය භාෂා පුහුණුව හා අදාළ වෙනත් පුහුණු අවශ්‍යතා සපුරා දිය හැකි බව ද අමාත්‍යවරයා කිවේය.

 

මෙම අතත්‍ය සාකච්ඡාවට ජපානයේ ගොවිපල හිමිකරුවන් සමඟ හ්‍රී ලංකා කම්කරු අමාත්‍ය නිමල් සිරිපාල ද සිල්වා විදේශ සේවා නියුක්ති කාර්යාංශයේ නිලධාරීන් ද සහභාගි වූහ.

 

 

ජයසූරිය උඩුකුඹුර

ගරු අමාත්‍යතුමාගේ මාධ්‍ය ලේකම්

 

2015 සමීක්ෂණ වාර්තාවේ හෙළිදරව්වේ දත්ත ගොවිජන සේවා දෙපාර්තමේන්තුව නිවැරදි කර ගනී

ප්‍රවෘත්ති අධ්‍යක්ෂ / ප්‍රවෘත්ති කර්තෘ,

 

ප්‍රිය මහත්මයාණනි,

 

“ඉකුත් සමයේ පොහොර බෙදා හැරීම පිළිබඳ ගොවිජන සේවා දෙපාර්තමේන්තුවේ දත්ත 96%කින් වැරදී. සමීක්ෂණයකින් හෙළි වේ.” යන මැයෙන් 2021.09.13 වන දින මවිසින් නිකුත් කර ඇති ප්‍රවෘත්ති නිවේදනයට අදාළව හෙක්ටර් කොබ්බෑකඩුව ගොවි කටයුතු පුහුණු කිරීමේ ආයතනයේ අධ්‍යක්ෂ,ප්‍රධාන විධායක නිලධාරී මාලින්ද සෙනෙවිරත්න මහතා අප වෙත එවා ඇති කරුණු පැහැදිලි කිරීම පදනම් කරගනිමින් සකස් කර ඇති පහත ප්‍රවෘත්තියට ඔබ මාධ්‍ය තුළින් ප්‍රමාණවත් ප්‍රචාරයක් ලබාදෙන්නේ නම් බෙහෙවින් කෘතඥ වෙමි.

 

 

ජයසූරිය උඩුකුඹුර

ගරු අමාත්‍යතුමාගේ මාධ්‍ය ලේකම්

 

 

2015 සමීක්ෂණ වාර්තාවේ හෙළිදරව්වේ දත්ත ගොවිජන සේවා දෙපාර්තමේන්තුව නිවැරදි කර ගනී.

 

ඉකුත් සමයේ පොහොර බෙදා හැරීම පිළිබඳ ගොවිජන සේවා දෙපාර්තමේන්තුවේ දත්ත 96%කින් වැරදී. සමීක්ෂණයකින් හෙළි වේ.” මැයෙන් අප විසින් නිකුත් කළ මාධ්‍ය නිවේදනයට අදාළ සිද්ධිය 2015 වර්ෂයේ සිදු වූවක් බව හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු කිරීමේ ආයතනය දන්වා ඇත. කුඹුරු ඉඩම් දත්ත මූලාශ්‍ර අතර ප්‍රමාණ විෂමතා නිර්ණය කිරීම යන මැයෙන් සිදු කරන ලද නියැදි දත්ත සමීක්ෂණයකට අනුව ගොවිජන සේවා දෙපාර්තමේන්තුවේ දත්ත 96%ක් වැරදි බව අනාවරණය කරගෙන ඇති බව ඉකුත් 10 වැනිදා කෘෂිකර්ම අමාත්‍ය මහින්දානන්ද අලුත්ගමගේ මහතාගේ ප්‍රධානත්වයෙන් පැවති රැස්වීමකදී අනාවරණය කළේය. මෙම තොරතුරු වලට පාදක වී ඇත්තේ 2015 පහත රට තෙත් කලාපය පදනම් කරගෙන සිදු කරන ලද නියැදි සමීක්ෂණයකි. මෙහිදී පොහොර නිකුත් කිරීම පිළිබඳ අවධානය යොමු කර නොමැති බව ද මාලින්ද සෙනෙවිරත්න මහතා පෙන්වා දෙයි. කෙසේ වුවද මෙම වැරදි දත්ත නිවැරදි කර ගැනීමට 2017.02.14 දින පැවති එවකට කෘෂිකර්ම රාජ්‍ය අමාත්‍යාංශයේ ලේකම් ඩී.වී.බන්දුලසේන මහතාගේ ප්‍රධානත්වයෙන් පැවති රැස්වීමකදී එකඟතාව පල වී ඇත.

 

මේ අනුව මෙම සිද්ධියට ගොවිජන සේවා දෙපාර්තමේන්තුවේ වර්තමාන ගොවිජන සේවා කොමසාරිස් හෝ එහි කාර්ය මණ්ඩලය සම්බන්ධ නොමැති බැවින්, ඔවුන්ට යම් හිත් වේදනාවක් ඇති වූවේ නම් අපගේ බලවත් කණගාටුව ප්‍රකාශ කරන අතර, මෙම සමීක්ෂණ වාර්තාව පදනම් කරගෙන ගොවිජන සේවා දෙපාර්තමේන්තුව ඔවුන්ගේ දත්ත නිවැරදි කර ගැනීමට කටයුතු කර තිබීමෙන් තවදුරටත් මෙම සමීක්ෂණයෙන් හෙළි කරගත් දත්ත වලංගු නොවන බවද පැහැදිලිය.

 

ජයසූරිය උඩුකුඹුර

ගරු අමාත්‍යතුමාගේ මාධ්‍ය ලේකම්

 

නාඩු වී කිලෝවක් රුපියල් 05 කින් ඉහළට

සහල් සදහා පාලන මිලක් ගැසට් කීරිමෙන් පසු ගොවීන්ගේ වී සඳහා ගෙවන මිළ වැඩි කරන ලෙස ගොවීන් රජයෙන් කරන ලද ඉල්ලීම අනුව නාඩු වී කිලෝවක් රුපියල් 55/- බැගින් මිළ දී ගැනිමට අද (13) පැවැති අමාත්‍ය මණ්ඩල රැස්වීමේදී තිරණය කළ බව කෘෂිකර්ම අමාත්‍ය මහින්දානන්ද අලුත්ගමගේ මහතා සදහන් කෙළේය.

 

මේ අනුව ගොවි බිම්වලටම ගොස් නාඩු වී කිලෝව රුපියල් 55/- බැගින් හෙට (14) සිටම මිළ දී ගැනිමට වී අලෙවි මණ්ඩලයට උපදෙස් ලබා දී ඇති බවද අමාත්‍යවරයා කිවේය.

 

මීට පෙර නාඩු වී කිලෝවක් වී අලෙවි මණ්ඩලය මීළ දී ගත්තේ රුපියල් 50/- කටය.

 

 

ජයසූරිය උඩුකුඹුර

ගරු අමාත්‍යතුමාගේ මාධ්‍ය ලේකම්

සමාජීය

කෘෂිකර්ම අමාත්‍යාංශය
 

80/5,

ගොවිජන මන්දිරය,

රජමල්වත්ත පටුමග,

බත්තරමුල්ල, ශ්‍රී ලංකාව.

දුරකථන : +94-11-2034300

 

ඊ- මේල් :  This email address is being protected from spambots. You need JavaScript enabled to view it.

This email address is being protected from spambots. You need JavaScript enabled to view it.

 

ප්‍රකාශන හිමිකම © 2019  කෘෂිකර්ම අමාත්‍යාංශය

සියලු හිමිකම් ඇවිරිණි

සැලසුම් නිර්මාණය