English (UK)SinhalaSriLankaTamilIndia


எவென்கார்ட் நிறுவனத்திற்கு கமத்தொழில் அமைச்சின் 5000 ஏக்கர் அளவான காணி பெற்றுக் கொடுக்கப்பட்டது எனக் கூறப்படுவது முற்றிலும் பொய்யானது என அமைச்சின் செயலாளர் குறிப்பிடுகின்றார்

எவென்கார்ட் மெரிடைம் சேர்விஸெஸ் நிறுவனத்திற்கு சோளப் பயிர்ச் செய்கைக்காக கமத்தொழில் அமைச்சுக்கு சொந்தமான 5000 ஏக்கர் அளவான காணி பெற்றுக் கொடுக்கப்பட்டுள்ளது என வெளியாகும் ஊடக அறிக்கைகள் அனைத்தும் முற்றிலும் பொய்யானவை என அமைச்சின் செயலாளரான ஓய்வுபெற்ற மேஜர் ஜெனரால் திரு சுமேத பெரேரா தெரிவிக்கின்றார். கமத்தொழில் அமைச்சுக்கு சொந்தமாக இருப்பது விவசாய காணிகள், விதைப் பண்ணைகள், ஆராய்ச்சி நிலையங்கள் என்பன மட்டுமே என திரு சுமேத பெரேரா கூறுகின்றார். அதே போல் விவசாய ஆலோசனை சேவையையும் மற்றும் தொழில் நுட்ப உதவியையும் பெற்றுக் கொடுப்பது இந்தக் கமத்தொழில் அமைச்சின் பொறுப்பாகும் என கூறிய செயலாளர் திரு சுமேத பெரேரா, குறித்த உரிய எவென்கார்ட் மெரிடைம் சேர்விஸெஸ் நிறுவனத்தினால் நிருவகிக்கப்படும் ஒரு சோளப் பண்ணைக்கு ஆலோசனையையும் மற்றும் தொழில் நுட்ப உதவியையும் பெற்றுக் கொடுப்பதில் கவனம் செலுத்தப்பட்டுள்ளது எனவும் குறிப்பிடுகின்றார். அத்தகைய உதவியை எந்த ஒரு விவசாய பண்ணைக்கும் பெற்றுக் கொடுக்க வேண்டியது அமைச்சின் பொறுப்பாகும் என அவர் சுட்டிக் காட்டுகின்றார். 5000 ஏக்கர் காணி பெற்றுக் கொடுக்கப்பட்டுள்ளதாக வெளியாகும் சகல தகவல்களும் பொய்யானவை என அமைச்சின் செயலாளர் ஓய்வுபெற்ற மேஜர் ஜெனரால் திரு சுமேத பெரேரா சுட்டிக் காட்டுகின்றார்.

விவசாயத்தை முதன்மைப்படுத்திய எமது பிரதமர்

1952 ஆம் ஆண்டு ஆரம்பிக்கப்பட்ட ஸ்ரீ லங்கா சுதந்திர கட்சியின் 13-வது உறுப்பினராகிய மறைந்த பிரதமர் தி.மு. ஜயரத்ன அவர்கள் இந்த நாட்டு மக்களின் உள்ளங்களில் என்றென்றும் நிலைத்திருக்கும் ஒரு முற்போக்கு அரசியல்வாதியாக பிரதிபலித்தார்கள். 1970 ஆம் ஆண்டு பாராளுமன்றம் நுழைந்த தி.மு. ஜயரத்ன அவர்கள் தனது அரசியல் வாழ்க்கையை கிராம சபையிலிருந்து ஆரம்பித்தார்கள். ஜனாதிபதிகளையும், பிரதமர்களையும் உருவாக்கிய நாட்டின் ஆட்சியை கைப்பற்றிய கட்சியின் பாராளுமன்ற உறுப்பினர் ஒருவராக, அமைச்சர் ஒருவராக விளங்கி அந்தக் கட்சியின் பொது செயலாளராக முன்னேறிச்சென்று இந்த நாட்டின் 14-வது பிரதம மந்திரியாக அரசியலில் உயர் பதவி வரை பயணித்தார்கள்.

 

இந்த நாட்டின் விவசாயமும் மற்றும் தி.மு. ஜயரத்த அவர்களின் நாமமும் ஒன்றுடனொன்று பின்னிப்பிணைந்திருக்கின்றன. மறைந்த தேசாபிமானி டீ.எஸ். சேனாநாயக்க, சேர் ஹெக்டெர் கொப்பேகடுவ போன்ற இந்த நாட்டை விவசாயத்தின் மறுமலர்ச்சிக்கு இட்டுச்சென்ற கமத்தொழில் அமைச்சர்களின் அடிவழி சென்று அண்மை காலத்தில் மக்களுக்காக சேவை செய்து புகழ்நாமம் சூடிய கலாநிதி தி.மு. ஜயரத்ன அவர்கள் கமத்தொழில் அமைச்சராக எண்ணற்ற பணிகளை செய்துள்ளார்கள்.

 

உலக வங்கியின் கடுமையான எதிர்ப்புக்கு மத்தியிலும் விவசாயிகளின் பக்கம் நின்று உர நிவாரணத்தை அறிமுகப்படுத்தியதும் தி.மு. ஜயரத்ன அவர்களே. அவர் கமத்தொழில் அமைச்சராக பணியாற்றிய காலத்தில் நாட்டை அரிசியில் தன்னிறைவு அடையச்செய்தார். 2007 ஆம் ஆண்டில் 2000 மெற்றிக் டொன் அரிசியை ஏற்றுமதி செய்ய முடிந்தமையும் அவரின் தூரநோக்கு நிகழ்ச்சித் திட்டத்தின் பயனாகவேயாகும். வகா லங்கா வகா எண்ணக்கருவை அறிமுகப்படுத்தியமை, கமக்காரர் ஓய்வூதிய சம்பளத் திட்டத்தை செயற்படுத்தியமை, கொவிசெவன மந்திர கட்டிடங்களை நிர்மாணித்தமை, நாடு முழுதிலும் காணப்படுகின்ற சகல கமநல சேவை நிலையங்களுக்கும் மற்றும் விவசாய அபிவிருத்திற்கும் என 11,000 கள உத்தியோகத்தர்களை ஆட்சேர்த்தமை உட்பட பல நிகழ்ச்சித் திட்டங்கள் ஊடாக விவசாயத்தில் மறுமலர்ச்சியை ஏற்படுத்துவதற்கு கலாநிதி தி.மு. ஜயரத்ன அவர்கள் கமத்தொழில் அமைச்சராக அயராது உழைத்தார்கள். கொவிஜன மந்திரவை நிர்மாணித்து அமைச்சையும் மற்றும் அதனுடன் இணைந்த நிறுவனங்களையும் ஒரே கூரையின் கீழ் கொண்டுவந்து விவசாயிகளுக்கு வதிகளைப் பெற்றுக் கொடுத்த தூரதர்ஷனியாவார். விவசாயிகளின் முன்னேற்றத்தின் நிமித்தம் ‘கொவிசெத்த லொத்தரை’ அறிமுகப்படுத்தி எதிர்காலத்திற்கு பயனளிக்கும் சேவைகளை செய்த கமத்தொழில் அமைச்சர் அவர் என்பதில் எந்தவித வாதமும் கிடையாது. அன்று பயங்கரவாத அச்சுறுத்தல்கள் இருந்த போதிலும் நாடு பூராகவும் விஜயம் செய்து தி.மு. ஜயரத்ன கமத்தொழில் அமைச்சர் அவர்கள் இந்த நாட்டு விவசாயிகளுக்கு உயிர் ஊட்டினார்கள்.

 

2000 ஆம் ஆண்டு உலக உணவுகள் அமைப்பின் ஆசிய பசுபிக் பிராந்திய தலைவராக கலாநிதி தி.மு. ஜயரத்ன தேர்ந்தெடுக்கப்பட்டதும் கூட அவர் விவசாயத்திற்கு நல்கிய பங்களிப்பை உலக மக்கள் மதித்ததாலாகும். சர்வதேச ரீதியில் எமது நாட்டிற்கு அவர் புகழ் சேர்த்தார்.

 

பிரதமராகவும் மற்றும் புத்த சாசன சமய அலுவல்கள் அமைச்சராகவும் பதவி வகித்ததால் 2600-வது சம்புத்த ஜயந்தியை 2010 ஆம் ஆண்டு வைபவ ரீதியாக ஏற்பாடு செய்து புத்த சாசனத்திற்கு உலகெங்கும் புதிய ஒரு யுகத்தை தோற்றுவித்தார். கம்பளை அம்புளுவாவ உயிர் பல்லினத்துவ கட்டிடத்தொகுதியினதும் சமய ஸ்தலங்களினதும் ஸ்தாபகரும் தி.மு. ஜயரத்ன அவர்களே. 1931 ஆம் ஆண்டு கம்பளை தொளுவ பிரதேசத்தில் பிறந்து தொளுவ வித்தியாலத்தில் ஆசிரியர் தொழிலில் தனது தொழில் வாழ்க்கையை ஆரம்பித்து கிராம சபை முதல் நாட்டின் பிரதம மந்திரி வரை பயணித்து இந்த நாட்டு மக்களின் உள்ளங்களில் அழியாதிருந்து, அப்பாவி மக்களுக்காக என்றென்றும் நிலைத்திருக்கும் சேவைகளை செய்த கலாநிதி தி.மு. ஜயரத்ன அவர்கள் 2019 ஆம் ஆண்டு நவம்பர் மாதம் 19 ஆம் திகதி மரணித்தார்கள். அவர்கள் மரணித்து ஓர் ஆண்டு நிறைவடைந்தாலும் மக்களின் உள்ளங்களில் நிலைத்திருக்க காரணம் தனது அரசியல் வாழ்க்கையில் கிராமிய தன்மையை அறிந்து, கிராம மக்களின் பிரச்சினைகளை உணர்ந்து, விவசாயிகளின் பிரச்சினைகளை இனங்கண்டு வரையறைக்கு அப்பால்சென்று அவர்கள் செயன்முறை ரீதியாக செய்த அயராத சேவைகளே.

சேனா என்றழைக்கப்படும் புழுவினால் பயிர்கள் பாதிக்கப்பட்ட விவசாயிகளுக்கு நஷ்டஈடுகளை வழங்கல் அம்பாறையில் ஆரம்பம்

சேனா என்றழைக்கப்படும் புழுவினால் பயிர்கள் பாதிக்கப்பட்டுள்ள விவசாயிகளுக்கு நஷ்டஈடுகளை வழங்கும் முதல் கட்டப் பணி அம்பாறை மாவட்டத்தில் ஆரம்பிக்கப்பட்டது என கமத்தொழில், கிராமிய பொருளாதார விவகாரங்கள், கால்நடை வளங்கள் அபிவிருத்தி, நீர்ப்பாசனம் மற்றும் கடற்றொழில்கள் மற்றும் நீரியல் வளங்கள் அமைச்சர் பி. ஹரிஷன் அவர்கள் கூறினார்கள்.

 

மேலும் படிக்க: சேனா என்றழைக்கப்படும் புழுவினால் பயிர்கள் பாதிக்கப்பட்ட விவசாயிகளுக்கு நஷ்டஈடுகளை வழங்கல்...

த்ரிப்பிட்டகாபி யாத்திரிகை வாரத்தை முன்னிட்டு கமத்தொழில் அமைச்சில் விஷேட நிகழ்ச்சித் திட்டங்கள்

த்ரிப்பிட்டகாபி யாத்திரிகை வாரத்தை முன்னிட்டு கமத்தொழில் அமைச்சினால் ஏற்பாடு செய்யப்பட்ட விஷேட நிகழ்ச்சித் திட்டம் 2019.03.22 ஆம் திகதி கமத்தொழில் அமைச்சில் நடைபெற்றது. சமய வழிபாடுகளின் பின்னர், உறுதிமொழி உரைத்து இந்த நிகழ்ச்சித் திட்டம் ஆரம்பிக்கப்பட்டது.  விருது பெற்ற கலாநிதி சுமனபால கல்மங்கொட அவர்கள் இந்த நிகழ்ச்சித் திட்டத்தில், அங்குரார்ப்பண உரையை நிகழ்த்தினார்கள். அபிநயனத்தையும்  மொழியையும் உரிய முறையில் கற்பதனூடாக, இன்று தோன்றியுள்ள அர்த்தமற்ற பாடல்கள், காவியங்கள், பல இலக்கிய படைப்புகள் என்பவற்றை மிகவும் மக்கள் நேயமானதாக மாற்ற முடியும் என கலைஞ்சர் கல்மங்கொட அவர்கள் குறிப்பிட்டார்கள். ஒரு கலை என்ற ரீதியில், அதனூடாக சமூகத்திற்கு பயனளிக்கும் விடயங்களை மேற்கொள்வதிலுள்ள காலத்திற்கு ஏற்ற தேவையை பூர்த்தி செய்ய முடியும் எனவும், அவர்கள் மேலும் சுட்டிக் காட்டினார்கள். மேன்மை தங்கிய ஜனாதிபதி அவர்களின் இந்த விஷேட வேலைத் திட்டத்தை தேசிய மக்கள் என்ற ரீதியில் பாராட்ட வேண்டும் எனவும், இந்த நிகழ்ச்சித் திட்டத்தை அடிப்படையாகக் கொண்டு, நாடு முழுதிலும் சமய மறுமலர்ச்சியை ஏற்படுத்த வேண்டும் எனவும், அவர்கள் மேலும் குறிப்பிட்டார்கள். இந்த நிகழ்வின் போது, அமைச்சின் பாடல் குழுவினால் பாடல்கள் இசைக்கப்பட்டன.  

 

இந்த நிகழ்வில், கமத்தொழில் அமைச்சின் செயலாளர் கே.டீ.எஸ். ருவன்சந்திர அவர்கள் அடங்கலாக அமைச்சின் ஊழியர்கள் பலரும் கலந்துகொண்டனர்.

சேனா என்றழைக்கப்படும் புழுவை கட்டுப்படுத்தல் மற்றும் அந்தப் புழுவால் பாதிக்கப்பட்ட பயிர்களுக்கு நஷ்டஈடுகளை பெற்றுக் கொடுத்தல் பற்றிய அறிக்கையை வாராந்தம் எழுத்தில் பிரதமருக்கு சமர்ப்பிக்குமாறு கமத்தொழில் அமைச்சருக்கு அறிவுறுத்தல்

சேனா என்றழைக்கப்படும் புழுவை கட்டுப்படுத்தல் மற்றும் அந்தப் புழுவால் பயிர்கள் அழிந்த விவசாயிகளுக்கு நஷ்டஈடுகளை பெற்றுக் கொடுத்தல் தொடர்பில் வாராந்தம் பிரதமருக்கு எழுத்தில் அறிக்கையிடுமாறு பிரதமர் அவர்கள் அமைச்சர் பி. ஹரிஷன் அவர்களுக்கு அறிவுறுத்தியுள்ளதாக கன்னொறுவ தேசிய விவசாய தகவல்கள் மற்றும் தொடர்பாடல் நிலையத்தில் நடைபெற்ற கூட்டத்தில் விவசாய உத்தியோகத்தர்களை சந்தித்த போது அமைச்சர் அவர்கள் தெரிவித்தார்.

மேலும் படிக்க: சேனா என்றழைக்கப்படும் புழுவை கட்டுப்படுத்தல் மற்றும் அந்தப் புழுவால் பாதிக்கப்பட்ட பயிர்களுக்கு...

சமூக வலையமைப்பு

        கமத்தொழில்  அ​​மைச்சு 

 

 

இல. 80/5,

கொவி மந்திரய,

மல்வத்தைழுங்கை,

பத்தரமுல்லை, இலங்கை.

தொ/பே: +94-11-2034300

 

மின்-அஞ்சல்:

இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.


பதிப்புரிமை - 2019 

கமத்தொழில் அமைச்சு

சகல பதிப்புரிமைகளும் அமைச்சுக்குரியது 

 

 தீர்வு மூலம்