01

   
English (UK)SinhalaSriLankaTamilIndia


“ලියාපදිංචි ගොවීන්ගේ වගා හානි වන්දි මුදල් සති දෙකක් තුල ගෙවා නිම කරන්න” කෘෂිකර්ම, වාරිමාර්ග, ග්‍රාමීය ආර්ථික කටයුතු සහ ධීවර හා ජලජ සම්පත් සංවර්ධන අමාත්‍ය පී. හැරිසන් (සමස්ත ලංකා ගොවිජන සම්මේලනයෙහි ජාතික සංවිධායක නාමල් කරුණාරත්න මහතා සමඟ පැවති සාකච්ඡාව)

2019.09.26i

 

කෘෂි රක්ෂණ මණ්ඩලයෙහි ලියාපදිංචි රක්ෂණ වාරික මුදල් ගෙවූ සියලු ගොවීන්ගේ වන්දි මුදල් සති දෙකක් තුල ගෙවා දමන ලෙස කෘෂිරක්ෂණ මණ්ඩලයේ නිලධාරීන්ට අමාත්‍ය පී. හැරිසන් මහතා උපදෙස් ලබා දුන්නේය.

 

ග්‍රාමීය ආර්ථිකය පිළිබද අමාත්‍යංශ ශ්‍රවණාගාරයේදී පැවැති සමස්ත ලංකා ගොවිජන සම්මේලනයෙහි ජාතික සංවිධායක නාමල් කරුණාරත්න මහතා හා ගොවි නියෝජිතයන් අතර පැවති සාකච්ඡාවේදී අමාත්‍යවරයා මෙම උපදෙස් ලබාදෙන ලදී.

 

ඒ අනුව අම්පාර, මොණරාගල හා ඇතිමලේ රක්ෂණ වාරික ගෙවූ ගොවීන් 3000 කට මෙම වගා හානි මුදල් ගෙවීමට නියමිතය. ඒ වෙනුවෙන් රුපියල් මිලියන 200 ක පමණ මුදලක් වැය වෙතැයි නිළධාරීන් අමාත්‍යවරයාට ප්‍රකාශ කළ අතර මුදල් ගෙවීම ප්‍රමාද වීමට අමාත්‍යවරයා නිළධාරීන්ගෙන් කරුණු විමසූ අතර ඒ වෙනුවෙන් මුදල් ලබා ගැනීමට අවශ්‍ය කටයුතුද හැකි ඉක්මනින් සිදුකරන ලෙස අමාත්‍යවරයා පැවසීය.

 

මේ අතර සේනාදළඹු වගා හානි වන්දි මුදල් පළමු අදියර ගෙවා අවසන් වී දෙවන අදියර යටතේ ගෙවීමට ඇති අම්පාර දිස්ත්‍රික්කයේ ගොවීන් 12,995 ක් සඳහා මිලියන 211 මුදලක් ද මොණරාගල දිස්ත්‍රික්කයේ ගොවීන් 12,254 දෙනෙකු සඳහා රු. මිලියන 208 ක මුදලක්ද සේනා දළඹු හානි වන්දි මුදල් දෙවන වර ගෙවීමට අවශ්‍ය කැබිනට් පත්‍රිකාව කැබිනට් මණ්ඩලයට මේවනවිටත් යොමුකර ඇති බවත් ඒ වෙනුවෙන් අනුමැතිය ද ලබාඇති බව අමාත්‍යවරයා වැඩිදුරටත් මෙහිදී සඳහන් කළේය.

 

සමස්ත ලංකා ගොවිජන සම්මේලනයෙහි අම්පාර දිස්ත්‍රික් සංවිධායක වසන්ත පියතිස්ස මහතා අමාත්‍යවරයාට යොමුකල අම්පාර දිස්ත්‍රික්කයේ සේනානයක ව්‍යාපාරයේ වම් ඉවුර ගොවි ජනපදය සදහා 2018 වර්ෂයේදී පැවති කීඩෑ උවදුරින් පීඩාවට පත් ගොවීන් 15,000 ක් සඳහා වන්දි ලබාදෙන ලෙස කල ඉල්ලීමටද අමාත්‍යවරයා සිය අවධානය යොමුකළේය.


ඒ අනුව හානියට පත් ගොවීන් 15,000 වෙනුවෙන් කඩිනමින්ම කැබිනට් පත්‍රිකාවක් අමාත්‍ය මණ්ඩලය වෙත යොමුකරන බවට අමාත්‍යවරයා ගොවි නියෝජිතයන්ට පොරොන්දුවිණි.

 

බෝංචි බීජ නිශ්පාදකයන් මුහුණපා ඇති ගැටළු පිළිබඳවද මෙහිදී අදහස් පල වූ අතර එහිදී මන්දාරම් නුවර ප්‍රදේශයේ බෝංචි බීජ ගොවීන්ට අත්ව ඇති ඉරණම අමාත්‍යවරායට ගොවි නියෝජිතයන් පැහැදිලි කලේය.


ඒ අනුව දැනට පෞද්ගලික අංශය බීජ කිලෝවක් මිලදී ගනු ලබන මිල රු. 500 ක් බවත් කෘෂිකර්ම දෙපාර්තමේන්තුව මිලදී ගන්නා මිල 1,200 ක් වුවත් අතරමැදියන් විසින් රු.500 ට මිලදී ගන්නා බීජ කිලෝවක් වෙළදපලෙහි රු.1,800 ක මුදලට අලෙවි කිරීම අසාධාරණ බව ගොවි නියෝජිතයන් විසින් අමාත්‍යවරයාට පෙන්වාදෙන ලදී.


වහාම මෙම සතිය තුල බීජ කමිටුව කැඳවා රටට අවශ්‍ය බීජ නිෂ්පාදනය හඳුනාගෙන අවශ්‍යතාවය අනුව බීජ නිෂ්පාදනය කිරීමටත් ගොවියාට සාධාරණ මිලක් ලබාදීමට ක්‍රමවේදයක් සැකසීමට පියවර ගන්නා ලෙස එහි සිටි කෘෂිකර්ම අධ්‍යක්ෂක ජනරාල්වරයාට අමාත්‍යවරයා උපදෙස් ලබාදුන්නේය.

 

ගොවීන් වෙනුවෙන් රුපියල් 10,000 ක්ව පැවැති වගා හානි වන්දි මුදල රුපියල් 40,000 දක්වා වැඩි කිරීම පිළිබඳව ද බිත්තර ගොවීන්ගේ ගැටළු විසදා බිත්තර ගොවීන්ටම මිල තීරණය කිරීමට අවස්ථාව ලබාදීම පිළිබඳව නාමල් කරුණාරත්න මහතා අමාත්‍යතුමා වෙත සිය ප්‍රසාදය පිරිනැමීය.

 

මෙම අවස්ථාවට කෘෂිරක්ෂණ මණ්ඩලයේ සභාපති සුමිත් වර්ණකුලසූරිය මහතා ද එහි අධ්‍යක්ෂ ජනරාල් පණ්ඩුක වීරසිංහ මහතා සහ කෘෂිකර්ම අමාත්‍යංශයේ රාජ්‍ය ‍ලේකම් ශාන්තා විජයරත්න මහත්මිය, කෘෂිකර්ම දෙපාර්තමේන්තුවේ නියෝජ්‍ය අධ්‍යක්ෂක ජනරාල් ඇතුලු ගොවි නියෝජිතයක් කිහිපදෙනෙකු මෙම අවස්ථාවට එක්ව සිටියහ.

 

2019.09.26ii   2019.09.26iii   2019.09.26iv   2019.09.26ix     2019.09.26vi   2019.09.26vii   2019.09.26viii   2019.09.26xi  2019.09.26xii   2019.09.26xiii   2019.09.26xiv   2019.09.26xix   2019.09.26xv   2019.09.26xvi   2019.09.26xvii   2019.09.26xviii   2019.09.26xx


கடைசியாகப் புதுப்பிக்கப்பட்டது: வியாழக்கிழமை, 26 செப்டம்பர் 2019 06:42

சமூக வலையமைப்பு

பார்வையாளர்கள் எண்ணிக்கை

Please install plugin HitCounter!

கமத்தொழில், கிராமிய பொருளாதார ௮லுவல்௧ள் ,
நீர்ப்பாசனம், மீன்பிடி மற்றும் நீரியல் வளங்௧ள் அபிவிருத்தி அமைச்சு

 இல. 288,

ஸ்ரீ ஜயவர்தனபுர மாவத்தை,

ராஜகிரியஇலங்கை.

 

தொ/பே: +94-11-2869553

தொலைநகல்: +94-11-2868910

மின்-அஞ்சல்:

இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.
இம்மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்.


பதிப்புரிமை - 2019 

கமத்தொழில், கிராமிய பொருளாதார ௮லுவல்௧ள் ,
நீர்ப்பாசனம், மீன்பிடி மற்றும் நீரியல் வளங்௧ள் அபிவிருத்தி அமைச்சு

சகல பதிப்புரிமைகளும் அமைச்சுக்குரியது 

 

 தீர்வு மூலம்