01

   
English (UK)SinhalaSriLankaTamilIndia


ත්‍රිපිටකාභිවන්දනා සතිය නිමිත්තෙන් කෘෂිකර්ම අමාත්‍යාංශයෙන් විශේෂ වැඩසටහනක්

ත්‍රිපිටකාභිවන්දනා සතිය නිමිති කරගනිමින් කෘෂිකර්ම අමාත්‍යාංශය විසින් සංවිධානය කළ විශේෂ වැඩසටහන 2019.03.22 දින කෘෂිකර්ම අමාත්‍යාංශයේ දී පැවැත්විණි. ආගමික වතාවත්වලින් අනතුරුව ප්‍රතිාව කියවා, වැඩසටහන ආරම්භ කළ අතර, වැඩසටහනේ සමහරු දේශනය පවත්වන ලද්දේ සම්මානිත මහාචාර්ය සුමනපාල ගල්මංගොඩ මහතාය. අභිධර්මය සහ භාෂාව නිසිලෙස අධ්‍යයනය කිරීම කිරීම තුළින් වර්තමානයේ ඇති වී තිබෙන අර්ථවිරහිත ගීත, කවි සහ විවිධ සාහිත්‍යාංග වඩා ජනතා හිතෛෂී තත්ත්වයකට පත්කළ හැකි බව ගල්මංගොඩ සූරිහූ පැවසූහ. ඒ තුළින් කලාවක් හැටියට සමාජය යහපත් කිරීමේ කාලීන අවශ්‍යතාවය සපුරාලිය හැති බවද, එතුමා පැවසීය. අතිගරු ජනාධිපතිතුමාගේ මෙම විශේෂ වැඩපිළිවෙල ජාතියක් හැටියට අගය කළයුතු බවත්, එම වැඩසටහන පදනම් කරගනිමින් රටපුරා ආගමික ප්‍රබෝධයක් ඇති කළයුතු බවත්, එතුමා වැඩිදුරටත් සදහන් කළේය. මේ අවස්ථාවේ දී අමාත්‍යාංශයේ ශිල්පීන් විසින් බැති ගී ගායනයක් ද සිදු කරන ලදි.

 

මෙම අවස්ථාවට කෘෂිකර්ම අමාත්‍යාංශයේ ලේකම් කේ.ඩී. එස්. රුවන්චන්ද්‍ර මහතා ඇතුළු අමාත්‍යාංශ නිළධාරීහු සහභාගී වූහ.

එප්පාවල කොට්ඨාශයේ ගොවි සමිති 36 ක සභාපතිවරුන් ඇතුළු නිළධාරීන් පිරිසක් එප්පාවලදී පැවැත්වූ මාධ්‍ය සාකච්චාව

එලැඹෙන 12 වැනි දිනට පෙර සම්බා වී කිලෝවක් රුපියල් 52 ටත්, නාඩූ වී කිලෝවක් රුපියල් 48 ටත් ලෙස පෙර පැවති සහතික වී මිළ ලබා දෙන ලෙසත්, නොඑසේනම් 12 වැනි දින මහවැලි එච් කළාපයේ එප්පාවල කොට්ඨාශයේ ගොවි සමිති 36 ක ගොවි ගෙවිලියන් 5000 කට ආසන්න පිරිසක් සමඟ පාරට බැසීමට සූදානම් බව එප්පාවල කොට්ඨාශයේ ගොවි සමිති නායකයින් මාධ්‍ය හමුවක් කැඳවමින් ඊයේ (06) රාත්‍රියේ රජයට අනතුරු ඇඟවීය.

එප්පාවල කොට්ඨාශයේ ගොවි සමිති 36 ක සභාපතිවරුන් ඇතුළු නිළධාරීන් පිරිසක් එප්පාවලදී පැවැත්වූ මාධ්‍ය සාකච්චාවකදී මේ බව ප්‍රකාශ කර සිටියහ.

එහිදී අදහස් දැක්වූ එප්පාවල කොට්ඨාශ අනුකමිටුවේ සභාපති බන්දුල පියරත්න මහතා,

මේ වන විට 2019 මහ කන්නයේ වී අස්වනු නෙලීම ආරම්භ වෙලා තියෙනවා, අද වන විට සමස්ථ ගොවියා ඛේදවාචකයකට මුහුණ දී සිටිනවා වී සදහා සාධාරණ මිලක් නොදීම හේතුවෙන්.මේ වන විට වෙළඳපොලේ රුපියල් 30/=, 33/=, 35/= ට හිතුවක්කාරී ලෙස ව්‍යාපාරිකයින්ට අවශ්‍යය ලෙස අපේ වී අස්වැන්න මංකොල්ලා කන තත්වයක් ඇති වී තිබෙනවා.ආණ්ඩුව පැත්තෙන් මෙයට අදාළ ක්‍රියාමාර්ගයක් ගන්නේ නෑ.රජය පැත්තෙන් ප්‍රකාශ කරනවා, වී අලෙවිමණ්ඩලය හරහා නාඩූ වී රුපියල් 38 හා සම්බා වී රුපියල් 41 ට මිලදී ගන්නවා කියලා.හැබැයි ඒ මිලට වී මිලදී ගෙන අපිට සාධාරණයක් ඉටු කරනවා කියලා අපි හිතන්නේ නෑ.මීට පෙර වී අලෙවිමණ්ඩලය නාඩූ වී රුපියල් 48 ටත්, සම්බා වී රුපියල් 52 කටත් මිලදී ගත්තා.අපි ඉල්ලන්නේ පොලොන්නරුවෙන් බිහි වූ ගොවිපුතෙක් වුණ ජනාධිපතිතුමන්ගෙනුත්, අනුරාධපුර ගොවි ජනතාවගේ ජන්දයෙන් බලයට පත් වුණ කෘෂි ඇමති පී හැරිසන් ඇමතිතුමන්ගෙනුත් අපි ඉල්ලන්නේ වඩා ඉහළ මිලක් නෙමෙයි පෙර පැවති රුපියල් 48 හා 52 කියන මිළට අපේ වී මිලදී ගැනීම සිද්ධ කරන්න කියලා.කන්න 04-05 ක් වතුර නැතිව මහා අමාරුකම් ඇතිව අපි ජීවත් වුණේ, මෙවර තමයි අපි 100% ක් වතුර ලැබිලා ගොවිතැන සාර්ථක කර ගන්න හැකියාව ලැබුණේ, මේ වගාව නිසි ලෙස කර ගත් අන්තිම මොහොතෙත් කීඩෑවන්ගෙන් ගොයමට මහා දැවැන්ත හානියක් සිද්ධ වුණා, ඇතැම් ගොවිබිම් කීඩෑ උවදුරෙන් පූරණ වශයෙන් හානි වෙලා තියෙනවා.ඇතැම් කුඹුරු වල හරි අඩක්, කෙටසක් හානි වෙලා තියෙනවා.නමුත් අපි මේ පිළිබඳ කෘ.ප.නි.ස නිළධාරීන් දැනුවත් කිරීමේදී ඔවුන් කිව්වේ කීඩෑ හානියේදී වන්දි ගෙවන්නේ පූරණ හානී වූ වගාවක් ලෙස ඒ වගාව අයින් කරන්න ඕන කියලා.හැබැයි අපේ ගොවියාගේ පැතුම තමන්ගේ වී ඇටේ කෙසේ හෝ ගෙට ගැනීමයි.තමන්ගේ බඩ සරි කරගන්න, දරුවන්ට පොත්-පත් ඇදුම් පැළඳුම් අරන් දෙන්නේ මේ කුඹුරේ අස්වැන්නෙන්.කීඩෑවෝ කෑවා කියලා අස්වැන්න කුඹුරේදීම විනාශ වෙන්න අරින්න කවුරුත් කැමති නෑ.කීඩෑ හානියට ඉපනැල්ලට පමණක් වන්දි ගෙවන්න අරගෙන තියෙන තීන්දුවෙනුත් ගොවියන් කබලෙන් ලිපට වැටෙන තත්වයට පත් වෙලා තියෙනවා.

කෘෂි කර්මාන්තයත් එක්ක දෛනිකව ජීවත් වෙන, රටට බත සපයන ගොවියාගේ අස්වැන්නට සාධාරණ මිලක් දෙන්න කියලයි අපි හැමෝම මේ එකට එකතු වෙලා ඉල්ලන්නේ.අපි අක්කර 2 ½ ක් වගා කරන්න විශාල මුදලක් වැය කරනවා.අපි ඒ ඉලක්කම් එකතු කරලා බැලුවා.එහිදී රුපියල් එක් ලක්ෂ තිස් දහසකට ආසන්න මුදලක් මාස 06 ක් තිස්සේ අක්කර 2 ½ ක කුඹුරක් වෙනුවෙන් වැය කරනවා.මේ අක්කර 2 ½ න් දළ වශයෙන් වී කිලෝ 5000 ක් පමණ තමයි අපි අස්වැන්න ලෙස ලබා ගන්නේ.ආණ්ඩුවෙන් සම්බා කිලෝවක් 41 ට මිලදී ගන්නවා කියලා කිව්වත් වෙළඳපොලේ රුපියල් 35 ට මිලදී ගන්නේ.මේ මිළ දෙකම අපිට ප්‍රමාණවත් නෑ, අපි මාස 06 ක් ජීවත් වෙන්නේ මේ ලැබෙන ලාභයෙන්, ඒ වගේම ඉදිරියේ එනවා සිංහල හින්දු අලුත් අවුරුද්ද, අපිත් අපේ දරුවන් එක්ක අවුරුදු කන්න ආසයි.හැබැයි මේ මිලත් එක්ක අපිට අවුරුදු කන්න, මාස 06 ක් ජීවත් වෙන්න බෑ, අපි ජීවිතය විඳිනවා වෙනුවට විඳවන තත්වයට පත් වෙලා තියෙනවා.අපේ කේඩෑරි වුණ ජීවිතයට නගා සිටුවන්න කටයුතු කරන්න කියලා අපි රජයෙන් ගොවි නායකයෝ විඳිහට ඉල්ලීමක් කරනවා සම්බා වී කිලෝවක් 52 ටත්, නාඩූ වී කිලෝවක් රුපියල් 48 ට ත් මිළඳී ගන්න සහතික මිලක් ඇති කරන්න කියලා.ගොවියෝ ණය වෙලා ගොවිතැන් කරන්නේ.අස්වැන්න විකුණලා මේ ණයත් පියවන්න ඕන.අපි මේ සහතික මිළ ඇති කිරීම සඳහා යම් කාලයක් ලබා දෙනවා.එළැඹෙන 12 වැනිදා වෙන කොට මේ මිළ ලබා දෙන්න, මේකට අපේ පොලොවේ සුවඳ හදුනන ගොවි පුතෙක් වන ජනාධිපතිතුමා, දහඩිය සුවඳ හදුනන පී හැරිසන් ඇමතිතුමා ඇහුම්කම් නොදුන්නොත් අපි එප්පාවල ගොවි සමිති 36 ක සාමාජිකයෝ එක්ක එප්පාවල නගරයේදී පාරට බහින්න ලෑස්තියි.අපි මහ පොළවත් එක්ක පොර බදලා රටට බත සපයන මිනිස්සු අපේ අයිතිය දීපල්ල කියලා අපිට කෑ ගහලා කියන්න පාරට බහින්න සිද්ධ වෙලා තියෙනවා.මේ සාධාරණ මිල ලබා දෙන තුරු උද්‍ඝෝෂණ, සත්‍යග්‍රහ කරන්න අපි සූදානම්.අපිට මේ මිළ ලබා දෙන තුරු අපි සටන් කරන්න සූදානම්.

එප්පාවල කොට්ඨාශයේ ගොවි පවුල් 3600 ක් පමණ නියෝජනය කරනවා, මේ තුන් වැනි පරම්පරාව අපි අනිවාර්යෙන් 5000 කට වැඩි පිරිසක් ගෙනත් එප්පාවල නගරයේ පාරට බස්සලා සමස්ථ රටේ ගොවි ජනතාව පාරට බස්සන් සූදානම් කියලා අපි අනතුරු අගවනවා.

මිළ සූත්‍ර ගේනවා කියලා ඇමතිවරයා කියනවා.මොන සූත්‍රය හරි ගෙනල්ලා ගොවියාට සාධාරණයක් ඉටු කරන්න කියලා.මෙවර අය-වැයෙන් ගොවියා ගැන කථා නොකිරීම ගැන අපිට බරපතල කම්පාවක් තියෙනවා.පාලකයෝ මේ රටේ 80% ක් වුණ ගොවි ජනතාවව ගැන කථා නොකිරීම ගැන කණගාටුවක් තියෙනවා.

403 ඩී 04 සභාපති කේ.ජී ගුණරත්න බංඩා,

මේ රජය පිහිටුවන්න මූලිකව කටයුතු කළ ගොවිනායකයෝ අපි, හැබැයි අපි හිතුවේ නෑ මේ රජය මේ තත්වයට ගොවියා පත් කරයි කියලා.අපි බලාපොරොත්තු වුණා මේ අය-වැයෙන් වී සඳහා ස්ථාවර මිලක් ලෙස 52 හා 48 කියන මිල ලැබෙයි කියලා.හැබැයි පැවති මිලටත් වඩා අඩු මිලකටයි අද වී මිලදි ගන්නේ.අද බුලත් විටක් එකක් රුපියල් 40 යි, වි කිලෝවක් රුපියල් 30 යි.රජරට ඉපදුන ජනාධිපතිතුමා-කෘෂි ඇමතිතුමා ඇයි ගොවියාට මේ තරම් අසාධාරණයක් කරන්නේ.මේ අසාධාරණයට එරෙහිව අපි නැගී සිටින්න සූදානම්, අපි 12 වැනිදා වනතුරු කල් දෙනවා.අපිට සාධාරණයක් ඉටු නොවුනොත් සමස්ථ ගොවියෝ සමඟ පාරට බහිනවා.මේක දේශපාලන ගැටලුවක් නෙමෙයි.ගොවියාගේ අසාධාරණයට සාධාරණයක් ඉල්ලා කරන සටනක්.

 

407 ඩී 2 ගොවි සංවිධානයේ සභාපති එච්.බී සෝමදාස මහතා,

අද හාල් කිලෝවක් රුපියල් 100 න් ඉහළ, වී කිලෝවක් රුපියල් 30 ටත් දෙන්න බෑ, අද වී කිලෝ එකක් විකුණලා වී දාන උරයක් ගන්න බෑ, උරයක් රුපියල් 45 ක් වෙනවා.මේ වගේ තත්වයක් උඩ ඉදිරියේදී ගොවිතැන කරන්න අසීරු වෙනවා.ගොවියෝ නැති වෙනවා.අය-වැය ඉදිරිපත් කරද්දී යම් හෙයකින් ගොවියා අමතක වුණා නම් හැකි ඉක්මනට සංශෝධනයක් ලෙස ගොවියාට සාධාරණයක් ඉටු වෙන ක්‍රමවේදයක් ලෙස වී සඳහා ස්ථාවර මිලක් ලෙස 48 හා 52 යන වී මිළ ලබා දෙන්න.ඒ වගේම වී මිළඳී ගන්නා ස්ථාන සඳහා ගබඩා පහසුකම් ඇති කර ගොවියාට සාධාරණයක් ඉටු කරන්න.එහෙම නොවුන හොත් අපි මහ පාරට බැහැලා අපේ සටන දිනන්න අපි ලෑස්තියි යනුවෙන් පැවසීය.

 

මෙම අවස්ථාවට ගොවි සමිති නායකයින් පිරිසක් සහභාගී වූහ.

   

සේනා මර්දනය පාලනය සහ හානි වූ වගාවන්ට වන්දි ලබා දීම පිළිබදව සතිපතා ලිඛිතව අගමැතිතුමා දැනුම්වත් කරන ලෙස කෘෂිකර්ම ඇමතිට උපදෙස්.

සේනා දළඹුවා මර්දනය කිරීම සහ ගොවීන්ට වන්දි ලබාදීමේ ප්‍රගතිය පිළිබදව සතිපතා ලිඛිතව අග්‍රාමාත්‍යතුමාට ලබාදෙන්නැයි අගමැතිවරයා පී.හැරිසන් අමාත්‍යවරයාට දැනුම් දීමක් සිදු කර ඇති බව ගන්නොරුව ජාතික කෘෂිකර්ම තොරතුරු හා සන්නිවේදන මධ්‍යස්ථානයේ පැවති කෘෂි නිලධාරීන් අමතමින් අමාත්‍යවරයා පැවසීය.

 එහිදී වගා හානි වූ ගොවීන් සහා වන්දි ලබාදීම කඩිනමින් කරන්නැයි අමාත්‍යවරයා විසින් නිලාධාරීන්ට උපදෙස් දෙන ලදි.අග්‍රාමාත්‍යතුමා විසින් මුදල් අමාත්‍යාංශය වෙත කඩිනමින් මුදල් වෙන්කිරීම උදෙසා නියෝග ලබාදුන් බව අමාත්‍යවරයා කීය.

 

 ඇතැම් පුවත්පත්වල සේනා දළඹුවා මර්දනය කිරීම සහා අවශ්‍යතාවයක් පවතිනවා යැයි ඉල්ලීම් සිදුකර ඇති ඕනෑම අයෙකුට මේ වෙනුවෙන් මැදිහත්වීම් සිදුකළ හැකි බව අමාත්‍යවරයා පැවසූ අතර,මාධ්‍ය ආයතන කළ මෙහෙවර අමාත්‍යවරයා විසින් සිය පැසසුමට ලක් කරන ලදි.

 

 දළඹුවා මර්දනය කිරීම සහා රසායනික ද්‍රව්‍ය 5ක් මේවනවිට වෙළපොළට හුන්වා දී ඇති බවත් , මර්දනය කිරීමට සහ පාලනය කිරීමට අවශ්‍ය ස්වාභාවික ක්‍රමවේද අනුගමනය කරනවා නම් , එය ජනතාවගේ සෞඛ්‍යයට තර්ජනයක් නොවනු ඇතැයි අමාත්‍යවරයා කීය.මේවන තෙක් කෘෂිකර්ම අමාත්‍යාංශය විසින් සේනා දළඹුවා මර්දනයට කිසිදු පියවරක් නොගෙන ඇතැයි නගන චෝදනාවට අමාත්‍යවරයා මෙසේ කීය. කෘෂිකර්ම දෙපාර්තමේන්තුව කිසිම කාර්යයක් කළේ නැහැ කියලා ඇතැම් අය මාධ්‍ය ඉස්සරහට ඇවිත් කියනවා.ඒ කියන්නේ අපි සියඹලා ගෙනල්ලම නැති ගාණයි.මා අමාත්‍යවරයා ලෙස වැඩ භාරගත් මොහොතේ සිට කෘෂිකර්ම අමාත්‍යවරයා සහ නිලධාරීන් මේ දළඹුවා මර්දනයට සහ පාලනයට දැඩි කැපවීමෙන් කටයුතු කළා.ඒ වගේම දැන් කියනවා මේ දළඹුවා බඩඉරිුවලිව් වී වගාවටත් , වී වගාවෙන් රනිල බෝගවලටත් , රනිල බෝගවලින් සිංහරාජ අඩවියටත් බෝ වෙනවා කියලා.සමහරු කිව්වා මේ සියල්ලන්ට ගිනි තබා විනාශ කළ යුතුයි කියලා.ඇතැම් අය හය හතරක් නොදැන රටට ගිනි තියන්න දගලනවා.මේ වෙනුවෙන් ජනාධිපතිතුමාගේ ප්‍රධානත්වයෙන් කාර්ය සාධන බලකායක් නම් කරලා තියනවා.ඇතැම් රසායනික සමාගම් අමාත්‍යාංශයට උවදුර පාලනය කරගන්න රසායනික ද්‍රව්‍ය තොග පිටින් ගේනවා.මේ කූඨ උපායන් අපි හොින් දන්නවා.සේනා මැඩලන්න දෙපාර්තමේන්තුවත් අපිත් වගකීමෙන් කටයුතු කරනවා යැයි අමාත්‍යවරයා වැඩිදුරටත් පැවසුවේය.

 

 මෙම අවස්ථාවට කෘෂිකර්ම අමාත්‍යාංශයේ ලේකම් කේ.ඩී.එස් රුවන්චන්ද්‍ර මහතා, කෘෂිකර්ම දෙපාර්තමේන්තුවේ අධ්‍යක්ෂ ජනරාල් ඩබ්.එම්.ඩබ් වීරකෝන් මහතා ඇතුළු කෘෂි නිලධාරීන් සහභාගී විය.

යාන්ඔය ව්‍යාපෘතියට අදාල ගොවීන්ගේ ප්‍රශ්න සාකච්ඡා කිරීම හා වන්දි ගෙවීම.

 

අධ්‍යක්ෂ ප්‍රවෘත්ති/ කර්තෘ

 

දිනය                     -        2019.02.02

 

වේලාව                 -        ප.ව 4.00

 

ස්ථානය                -        හොරොව්පතාන ප්‍රාදේශීය ලේකම් කාර්යාලය

 

කාරණය            -          යාන්ඔය ව්‍යාපෘතියට අදාල ගොවීන්ගේ ප්‍රශ්න සාකච්ඡා කිරීම

හා වන්දි ගෙවීම.

 

සහභාගීත්වය        -        කෘෂිකර්ම, ග්‍රාමීය ආර්ථික කටයුතු, පශු සම්පත් සංවර්ධන,

වාරිමාර්ග සහ ධීවර හා ජලජ සම්පත් සංවර්ධන අමාත්‍ය

ගරු පී. හැරිසන් මැතිතුමා

 

 

 

මෙම අවස්ථාවට ජනමාධ්‍ය ආවරණය ලබාදීම සඳහා ඔබ ආයතනයේ මාධ්‍යවේදීන්, රූපවාහිනී කණ්ඩායමක්, ඡායාරූප ශිල්පීන්, සහභාගී කරවන මෙන් කාරුණිකව ඉල්ලමි.

 

 

 

ආර්.එම්.සංජීව රත්නායක

ගරු අමාත්‍යතුමාගේ මාධ්‍ය ලේකම්

0777618418

වනසතුන්ගෙන් වන වගා හානි වැලැක්වීමේ අධ්‍යයනයක් හෙක්ටර් කොබිබෑකඩුව ගොවි කටයුතු හා පුහුණු ආයතනය විසින් සිදුකරයි

වන සතුන්ගෙන් සිදුවන බෝග හානිය වලක්වා ගැනීම සඳහා හෙක්ටර් කොබ්බැකඩුව ගොවි කටයුතු  පර්යේෂණ හා පුහුණුකිරීමේ ආයතනය විසින් විද්වතa අධ්‍යයනයක් සිදුකර ඇත.

 

මේ වන විට අප රටේ වනසතුන් නිසා සිදුවන වාර්ෂික වගා හානිය 40% බව තහවුරු වී තිබේ එම නිසා වනසතුන් කලමනාකරණයට හා බෝග හානිය වලක්වා ගැනීමට කෘෂිකර්ම අමාත්‍යාංශය දැඩි අවධානය යොමු කර ඇත.

 

2016 දී ශ්‍රී ලංකාවේ වියලි කලාපයේ වනසතුන්ගෙන් බෝග වගාවට වන හානිය එහි සමස්ත අස්වැන්නෙන් 10%ක් බව සිදුකල අධ්‍යනයේදී හෙලිවී ඇත. ඒ අනුව මුං ඇට වගාවෙන් 15%ක් ද ඉරිඟු වගාවෙන් 8%ක් රටකජු වගාවෙන් 9%ක් සහ උක් වගාවෙන් 9%ක අස්වනු හානියක් වනසතුන්ගෙන් සිදුවී ඇතැයි ;හවුරු වී තිබේ.

 

2017 දී යල සහ මහා කන්නවල අම්පාර හා මොණරාගල දිස්ත්‍රික්කයේ ග්‍රාම නිලධාරී  කොට්ඨාස 46 ක සිදුකල අධයනයකින් අස්වනු හානිය බඩඉරිු  22%,වී 15%,රටකජු 23%,කුරක්කන් 41%,කවුපි 39%,අඹ 41% ලෙස වගා හානි සිදුවී ඇතැයි වාර්තා වී ඇත.

 

මෙහිදී වගාවන්ට හානිකරන්නන් ලෙස වල් ඌරන්,රිලවුන්,මොණරුන්,දුලේනුන්,වල් අලින් සහ ඉත්තෑවන්ගෙන් වන හානිය අවම කර ගැනීම සහා කෙටිකාලීන හා දිගුකාලීන ක්‍රියාමාර්ග හදුන්වා දීමට යෝජනා වි තිබේ.

 

ගොවීන් විසින් සතුන්ගෙන් සිදුවන හානිය වලක්වා ගැනීම සහා වායු රයිෆල් මෙන්ම පතුරම් තුවක්කු ද ලබා දෙන ලෙස ඉල්ලීම් කර ඇතත්,මේ සහා වෙනත් විකල්ප ක්‍රියාමාර්ග කෙරෙහි අවදානය යොමු කිරිමට කෘෂිකර්ම අමාත්‍යංශය පියවර ගෙන ඇත. ඒ යටතේ විදුලිවැට ඉදිකිරිම්,නව හදුන්වාදීම් සහා පර්යේෂන දිරිගැන්විම්,නිවරදි වගාක්‍රම අනුගමනය,සත්ව ආහාර සහා ඉවහල් වන ශාක සිටුවීම,වන සතුන් විකර්ශක ශාක සිටුවීම වැනි විකල්ප අදහස් යෝජනා විය.

 

පසුගිය වසර කිහිපය තුළ වන සතුන්ගෙන් වන හානිය හේතුවෙන් පලතුරු බෝග වගාවේ හැරෙන්නට සෙසු ආහාර බෝග වගාවන් මින් දළ දේශිය නිෂ්පාදනයට ලබාදෙන දායකත්වය අවම වී ඇත.

සමාජීය

මහවැලි, කෘෂිකර්ම, වාරිමාර්ග සහ
ග්‍රාමීය සංවර්ධන අමාත්‍යාංශය
 

80/5,

ගොවිජන මන්දිරය,

රජමල්වත්ත පටුමග,

බත්තරමුල්ල, ශ්‍රී ලංකාව.

දුරකථන : +94-11-2869553

ෆැක්ස් : +94-11-2868910

ඊ- මේල් : This email address is being protected from spambots. You need JavaScript enabled to view it.

This email address is being protected from spambots. You need JavaScript enabled to view it.

ප්‍රකාශන හිමිකම © 2019 මහවැලි, කෘෂිකර්ම, වාරිමාර්ග සහ ග්‍රාමීය සංවර්ධන අමාත්‍යාංශය

සියලු හිමිකම් ඇවිරිණි

සැලසුම් නිර්මාණය