English (UK)SinhalaSriLankaTamilIndia


වී මිලදී ගැනීමට ආණ්ඩුවෙන් ‍ඓතිහාසික තීන්දුවක් පෞද්ගලික අංශය හා තරඟකාරී මිලට වී මිලදී ගන්න සුදානම්

HON MAHINDANANDA

-කෘෂිකර්ම ඇමති මහින්දානන්ද අලුත්ගමගේ-

  • රජයට වී දෙන්න කිසිදු ගොවියෙකුට බලපෑමක් නෑ.
  • හෙක්ටයාරයකට වැඩි පොහොර සහනාධාරය ලබන ගොවියෙක් රජයට වී දියයුතු යන තීරණය ඉවත් කළා.
  • තෙත වී රු. 46 ටත්, වියලි නාඩු 52 යි,වියලි සම්බා 54 ට ඊයේ මධ්‍යම රාත්‍රියේ සිට මිලදී ගන්නවා.හෙට වී රුපියල් 55ක් උනොත් 55 ට රජයත් ගන්නවා.
  • කීයට ගත්තත් නාඩු 97 ට සම්බා 99 ට පාලන මිලට හාල් විකිණිය යුතුයි.
  • සතොස හා සමූපකාර හරහා මේ මිලට සහල් රජය දෙනවා.

 

වී මිලට ගැනීමේ ජාතික වැඩපිළිවෙල තවත් ශක්තිමත් හා සාර්ථක කරමින් ජනාධිපති ගෝඨාභය රාජපක්ෂ මැතිතුමා තරඟකාරී මිලට රජයත් වී මිලට ගන්නා ලෙස උපදෙස් දුන් බව කෘෂිකර්ම අමාත්‍ය මහින්දානන්ද අලුත්ගමගේ මහතා පවසනවා.අද පෙරවරුවේ විශේෂ මාධ්‍ය හමුවක් පවත්වමින් අමාත්‍යවරයා මේ ජාතික වැඩපිළිවෙල පිලිබඳ කරුණු පැහැදිලි කළා. ඊයේ රැස්වු කැබිනට් මණ්ඩලය මෙම තීන්දුව ගත් බවයි අමාත්‍යවරයා ප්‍රකාශ කළේ.

 

මාධ්‍ය හමුවේදී අදහස් පළ කළ කෘෂිකර්ම අමාත්‍යවරයා “වී මෙට්‍රික්ටොන් ලක්ෂ තුනහමාරක්  රජය සතුව සංචිතයක් පවත්වාගැනීමේ ජාතික වැඩපිළිවෙල පිලිබඳ ඊයේ රැස්වුණු කැබිනට් මණ්ඩලය ඓයිතිහාසික තීන්දුවක්  ගත්තා.ජනාධිපතිතුමා එහිදී උපදෙස් දුන්නා වෙළඳපොළ මිල සමඟ තරඟකාරී මිලට රජයත් වී මිලට ගන්න කියලා.පොහොර සහනාධාරය ලබන ගොවීන් රජයට වී කිලෝ 1000 ක් දෙන්න ඕනේ කියන තීරණයෙන් ඉවත්වුණා.තෙත වී රුපියල් 46 ට වියළි නාඩු රුපියල් 52 ට වියළි සම්බා රු. 54 ක මිලට ගන්න කැබිනට් මණ්ඩලය තීන්දු කළා.මේ තීරණය ඊයේ මධ්‍යම රාත්‍රී 12 සිට ක්‍රියාත්මකයි.හෙට වෙළඳපොළ වී මිල රුපියල් 55 උනොත් වී අලෙවි මණ්ඩලයත් 55 ට ගන්නවා.හැබැයි වී කීයට ගත්තත් නාඩු හාල් කිලෝ 1ක් රුපියල් 97 ටත් සම්බා හාල් කිලෝ 1ක් රුපියල් 99ක් කියන පාලන මිලට වැඩියෙන් කිසිවෙකුට විකුණන්න බෑ.මේ මිලට රජය එළෙබෙන අලුත් අවුරුද්දට හාල් දෙනවා.

 

රජයක් ලෙස වී අලෙවි මණ්ඩලය හරහා අපිත් ගොවියාට ඉතාම සාධාරණ ලෙස වෙළඳපොළ තරඟකාරී මිලට වී මිලට ගන්නවා.ගොවීන්ට දෙන්න පුළුවන් උපරිම මිල අපි දෙනවා.මහා පරිමාන වී මෝල් හිමියන් හැමදාම කළේ 80% ක් ගොවියාගේ අස්වැන්න අඩුමිලට අරගෙන අවසන් මොහොතේ රු. 60ක් 70ක් කරන එක. ඊටපස්සේ හාල් රු. 125 ට දෙන්න ඕනේ කියලා රජයට බලපෑම් කරන එක.ඒ නිසා අපි ලෑස්තියි පෞද්ගලික අංශය හා තරඟකාරී මිලට වී ගන්න.අපි විශ්වාස කරනවා වී මෙට්‍රික්ටොන් ලක්ෂ 3ත් 5ත්  අතර ප්‍රමාණයක් ඊටත් වඩා ගොවි ජනතාව නව වැඩපිළිවෙල එක්ක රජයට වී ලබාදෙන බව.ඒ අනුව වෙළඳපොළ හාල් මිල තීරණය කිරීමේ බලය ශක්තිය මේ තුලින් රජය සතු කරගන්නවා.වී දුන්නත් නැතත් පොහොර සහනාධාරයට කිසිදු ගොවියෙකුට බලපෑමක් නෑ.එත් වෙළඳපොළේ ඉහළම මිලට රජයට වී ගන්න ඊයේ කැබිනට් තීන්දුව සමඟ අවස්ථාව උදාවුණා. සතොස හා සමූපකාර හරහා පාලන මිලට අපි සහල් නිකුත් කරනවා.වී මෝල් හිමියන් තුන් හතරදෙනෙකු සතුව තිබුණු සහල් ඒකාධිකාරය පරාජයට රජයක් විදියට අපි සුදානම්.අපට ගබඩා පහසුකම් අවශ්‍ය පරිදි තිබෙනවා.අපි ලෑස්තියි වී සහ සහල් මිල පාලනය කිරීමේ බලය රජය සතු කරන්න.”

Voice Cut


Last Updated on බදාදා, 24 පෙබරවාරි 2021 09:50

සමාජීය

කෘෂිකර්ම අමාත්‍යාංශය
 

80/5,

ගොවිජන මන්දිරය,

රජමල්වත්ත පටුමග,

බත්තරමුල්ල, ශ්‍රී ලංකාව.

දුරකථන : +94-11-2034300

 

ඊ- මේල් :  This email address is being protected from spambots. You need JavaScript enabled to view it.

This email address is being protected from spambots. You need JavaScript enabled to view it.

 

ප්‍රකාශන හිමිකම © 2019  කෘෂිකර්ම අමාත්‍යාංශය

සියලු හිමිකම් ඇවිරිණි

සැලසුම් නිර්මාණය