01

   
English (UK)SinhalaSriLankaTamilIndia


ඉදිරියේදී පසට පොහොර යෙදීමට පාංශු පරීක්ෂණය අනිවාර්ය කරනවා. අමාත්‍ය පී.හැරිසන්

2019.06.10I

පොහොර සහනාධාරයෙන් ගෙන්වනු ලබන පෙහොර 1/6 ක් වංචා සහගත ලෙස පෞද්ගලික ව්‍යාපාරිකයන් කොල්ලකන බව කෘෂිකර්ම, පශු සම්පත් සංවර්ධන, වාරිමාර්ග සහ ධීවර හා ජලජ සම්පත් සංවර්ධන අමාත්‍ය පී.හැරිසන්  මහතා අනුරාධපුර පසු අස්වනු තාක්ෂණ ආයතනයේ පැවති කෘෂි පර්යේෂණ නිලධාරීන්ගේ ගැටළු සාකච්ඡා කිරීමේ හමුවකට එක්වෙමින් පැවසීය.

 

එහි දී වැඩිදුරටත් අදහස් දැක්වු අමාත්‍යවරයා 2017 වර්ෂයේ දී පොහොර පොහොර වෙනුවට මුදල් සහනාධාර ලබා දීමේදී බිලියන 15ක මුදලක් රජය වියදම් කළා. නමුත් බිලියන 35ක මුදලක් පොහොර ගෙන්වීම සඳහා රජය වියදම් කර තිබෙනවා. මින් තේරුම් යනවා රටේ පොහොර අවශ්‍යතාවය බිලියන 15කට සීමා වෙලා කියලා. අනෙකුත් පෞද්ගලික නිෂ්පාදන සඳහා පොහොර යොදා ගන්නා බවට දැනටමත් අපි කරන ලද පරීක්ෂණයකින් අවබෝධ වෙලා තිබෙනවා. ඇතැම් නිෂ්පාදන කරන සමාගමක් 2017 වර්ෂයේ දී මෙරටට මෙ.ටො.3000ක පොහොර ආනයනය කර තිබුණත්, පොහොර සහනාධාරයට පොහොර ලබා දීමේදී එම ආනයනය නවත්තලා තියෙනවා. මින් පෙනී යනවා පොහොර ආනයනය නොකර පෞද්ගලික සමාගම් තම අවශ්‍යතාවලට පොහොර ආනයනය කරන බව. ඒ සමඟම කෝටි 90ක් වැය කරමින් මෙරටට පොහොර ගෙන්වන සමාගමක් පිළිබඳව දැනට අපට තොරතුරු ලැබිලා තියෙනවා. සහනාධාර සඳහා ලබා දෙන පොහොර අලෙවි කරන බවට මේ සමාගම ගැන අපිට  තොරතුරු ලැබිලා තිබෙනවා.

 වෙනත් රටවල් පසේ PH අගය පරික්ෂා කොට අවශ්‍යතාවයට තමයි පොහොර නිකුත් කරන්නේ. මේ සඳහා පාංශු පරීක්ෂණයක් කරනවා. නමුත් අපේ රටේ එහෙම දෙයක් නැහැ. අපේ රටේ කෘෂිකර්ම පර්යේෂණ නිලධාරියා අදාල පරීක්ෂණ සිදු කිරීම සඳහා පෙර පුහුණුවක් ලබා දී පාංශු පරීක්ෂණයකින් අනතුරුව තමයි පොහොර ලබා දීමට කටයුතු කරන්නේ. අපේ රටේ කෘෂිකර්ම පර්යේෂණ නිලධාරියාට වඩා තෙල් බෙහෙත් අලෙවි කරන වෙළෙඳසැලේ හිමිකාරයා තමයි තීරණය කරන්නේ බෝගයට ගැලපෙන පොහොර මොනවා ද, බෙහෙත් මොනවා ද කියලා. එකයි ඇත්ත කතාව. කෘෂිකර්ම පර්යේෂණ නිලධාරියාට වඩා තෙල් බෙහෙත් මුදලාලිගේ නිර්දේශය තමයි ගොවියා ක්‍රියාත්මක කරන්නේ.

 ඉදිරියේදී වගාවට යෙදිය යුතු පොහොර මොනවා ද, කෘමිනාශක  මොනවා ද, වල්නාශක මොනවා ද යන්න සොයා බැලීම සඳහා කෘෂිකර්ම පර්යේෂණ නිලධාරියා ගොවියාගේ තොරතුරු නිරීක්ෂණ වාර්තාවක් සැකසීමට අදාළ නීතිරීති ගෙන ඒම සඳහා අපි කටයුතු කරනවා.

 ඒ වගේම ඉදිරියේදී ගොවි සංවිධාන හරහා ගොයම් කැපීමේ යන්ත්‍ර ලබා දීමට අපි කටයුතු කරනවා. පෞද්ගලික අංශයට වඩා අඩුවෙන් ගොවියාගේ දායකත්වය 50% පමණ ගොයම් කැපීම සඳහා ගොයම් කැපීමේ යන්ත්‍ර යෙදවීමට බලාපොරොත්තු වෙනවා යැයි අමාත්‍යවරයා වැඩිදුරටත් පැවසීය.  

2019.06.10ii  2019.06.10iii


Last Updated on සදුදා, 10 ජුනි 2019 09:24

සමාජීය

කෘෂිකර්ම,ග්‍රාමීය ආර්ථික කටයුතු, වාරිමාර්ග සහ 

ධීවර හා ජලජ සම්පත් සංවර්ධන අමාත්‍යාංශය

288,

ශ්‍රී ජයවර්ධනපුර මාවත ,

රාජගිරිය, ශ්‍රී ලංකාව.

දුරකථන : +94-11-2869553

ෆැක්ස් : +94-11-2868910

ඊ- මේල් : This email address is being protected from spambots. You need JavaScript enabled to view it.

This email address is being protected from spambots. You need JavaScript enabled to view it.

ප්‍රකාශන හිමිකම © 2019 කෘෂිකර්ම,ග්‍රාමීය ආර්ථික කටයුතු, වාරිමාර්ග සහ

ධීවර හා ජලජ සම්පත් සංවර්ධන අමාත්‍යාංශය

සියලු හිමිකම් ඇවිරිණි

සැලසුම් නිර්මාණය