කෘෂිකාර්මික වශයෙන් වැදගත් වන තිරසර සංවර්ධන අරමුණු ළඟාකර ගැනීම පිණිසත් ආහාර සුරක්ෂිතතාව හා  දේශීය ආහාර නිෂ්පාදන ක්‍රියාවලිය උසස් ප්‍රමිතියෙන් යුත් කෘෂි යාන්ත්‍රීකරණය හා කාබනික ගොවිතැනට අදාල යෙදවුම් තුලින්  ගුණාත්මක නිෂ්පාදන ධාරිතාවක් ඇති කිරීම සඳහාත්, කෘෂිකර්ම අමාත්‍යාංශය හා අනුබද්ධ ආයතන මෙන්ම වෙනත් ආයතන මගින් සංවිධානය කරනු ලබන ජාතික මට්ටමේ ප්‍රදර්ශන ඇතුලත් වන ශ්‍රව්‍ය හා දෘශ්‍ය මාධ්‍ය වැඩසටහන් තුලින් මහජනතාව දැනුවත් කිරිමේ වැඩසටහන් සම්බන්ධිකරණය හා කෘෂිකාර්මික යෙදවුම්  ආශ්‍රිත තාක්ෂණයන් හදුන්වාදීමට අදාල ප්‍රතිපත්ති සකස්කර ක්‍රියාත්මක කිරීමේ අරමුණින් කෘෂි යෙදවුම් කළමනාකරණ අංශය පිහිටුවා ඇත. 

කාර්යභාරය

• කාබනික පොහොර නිෂ්පාදනය වැඩි දියුණු කිරීම, සුළභතාවය ඇති කිරීම හා භාවිතය ප්‍රචලිත කිරීම තුලින් දේශීය ආහාර නිෂ්පාදන ක්‍රියාවලිය දිරිගැන්විමට කටයුතු කිරීම.

• දිස්ත්‍රික් මට්ටමින් කාබනික පොහොර නිෂ්පාදකයින් ලියාපදිංචි කිරීම සඳහා අවශ්‍ය සම්බන්ධිකරණ කටයුතු සිදුකීරිම.

• කාබනික කෘෂිකාර්මික ක්ෂේත්‍රය හා සම්බන්ධ ගොවි පුහුණු පාඨමාලාවන්, කාබනික පොහොර නිෂ්පාදකයින් ලියාපදිංචි කිරීම පිණිස කෘෂිකර්ම දෙපාර්තමේන්තුවේ මාකඳුර පිහිටි කාබනික ගොවිතැන සඳහාවු විශිෂ්ඨතා කේන්ද්‍රය හා හා සම්බන්ධිකරණ කටයුතු සිදුකිරීම.

• ජාතික වශයෙන් වැදගත් කෘෂිකාර්මික ප්‍රදර්ශන (ජාතික ගොවි සතිය, වප් මඟුල් උත්සවය, අළුත් සහල් මංගල්‍ය උත්සවය ආදි ) පැවත්විමට අවශ්‍ය කටයුතු සංවිධානය කිරීම හා ශ්‍රව්‍ය ද්‍යශ්‍ය මාධ්‍ය ඔස්සේ පොදු මහ ජනතාව දැනුවත් කිරිමට කටයුතු කිරිම.

•  කෘෂි නිෂ්පාදනයන්හි ගුණාත්මක බව හා ඵලදායීතාව ඉහළ නැංවීම සඳහා නවීන උපාංග හා මෙවලම් හඳුන්වා දීම සඳහා කෘෂිකර්ම දෙපාර්තමේන්තුවේ ගොවිපල යාන්ත්‍රික පර්යේෂණ මධ්‍යස්ථානය හා සම්බන්ධීකරණ කටයුතු සිදුකිරීම.     

• වානිජ මට්ටමින් කොම්පොස්ට් පොහොර නිෂ්පාදකයින් බිහි කිරීම පිණිස ගොවිජන සංවර්ධන දෙපාර්තමේන්තුව මගින් ක්‍රියාත්මක කරනු ලබන සාර ලංකා ණය යෝජනා ක්‍රමයට අදාල කටයුතු සම්බන්ධිකරණය  කිරීම.

• බිජ හා රෝපණ ද්‍රව්‍ය සැපයීම සදහා කෘෂිකර්ම දෙපාර්තමේන්තුවේ බිජ හා රෝපණ ද්‍රව්‍ය සංවර්ධන මධ්‍යස්ථානය හා සම්බන්ධිකරණ කටයුතු සිදුකිරීම.

• සජිවි ගුවන් විදුලි වැඩසටහන් හා මුද්‍රිත මාධ්‍ය පුවත්පත් අතිරේකයන් පළකිරීම සඳහා අවශ්‍ය ආයතනික සම්බන්ධීකරණ කටයුතු සිදුකිරීම.