01

   
English (UK)SinhalaSriLankaTamilIndia


තිරිගු පිටි මිල ඉහළ දැමුවේ රජයේ අවසරයකින් තොරවයි - අමාත්‍ය පී. හැරිසන්

2019.09.09vi

පෞද්ගලික සමාගමක් හිතුමතේට තිරිඟු පිටි මිල ඉහළ දැමීම තම රජය කිසිසේත් අනුමත නොකරන බව  කෘෂිකර්ම, ග්‍රාමීය ආර්ථික කටයුතු, වාරිමාර්ග සහ ධීවර හා ජලජ සම්පත් සංවර්ධන අමාත්‍ය පී. හැරිසන් මහතා අනුරාධපුර හුරුළු වැව වාරි ව්‍යාපෘතිය යටතේ පවතින කෘෂි මාර්ග නවීකරණ වැඩසටහන වන  දියවර නෑයෝ ” හා එක් වෙමින් පැවසීය.

 

ආනයනික සහ දේශීය ආහාර ද්‍රව්‍ය භාණ්ඩ මිල තීරණ කරනු ලබන ජීවන වියදම් කමිටුවේ නිර්දේශයකින් හා කැබිනට් මණ්ඩලයේ තීන්දුවකින් තොරව පෞද්ගලික සමාගමක් පසුගිය දා තිරිඟු පිටි කිලෝවක මිල රු. 5කින් ඉහළ දැමීම ජීවන වියදම් කමිටුවේ සභාපතිවරයා ලෙස තමා කිසි විටෙකත් අනුමත නොකරන බව අමාත්‍ය පී. හැරිසන් මහතා මෙහිදී වැඩිදුරටත් සඳහන් කළේය.

 

මීට පෙර අවස්ථාවකදී ද විදේශීය තිරිඟු පිටි මිල හා සසඳමින් ආනයනික තිරිඟු පිටි කිලෝවක මිල වැඩි කර තිබුණා. නමුත් අපේ ජීවන වියදම් කමිටුවේ තීන්දුවකට අනුව එම මිල නැවත සංශෝධනයකට ලක් කරමින් සමාගම් විසින් වැඩි කරන ලද මුදල අඩු කරනු ලැබූවා. හෙට ( 10 ) දිනයේ පස්වරුවේ දී පැවැත්වෙන ජීවන වියදම් කමිටුව මඟින් තිරිඟු පිටි මිල පිළිබඳ සාකච්ඡා කොට සමාගම්වල ඉල්ලීම් සළකා බලමින් තිරිඟු පිටි කිලෝවක මිල තීරණය කරන බව හෙතෙම වැඩි දුරටත් කීය.

 

පෞද්ගලික සමාගම් රජයේ අවසරයකින් තොරව මෙම තීන්දු තීරණ ගැනීම හෙලා දකින බවත් ජනතාවට ඉදිරියේදී සහනදායී තීන්දුවකට එළැබෙන බවත් හෙට දිනයේදී ගනු ලබන තීන්දුව කැබිනට් මණ්ඩලය වෙත දන්වා මේ සතිය තුළම තිරිඟු පිටි කිලෝවක් සඳහා වන පාලන මිල තීන්දු කරනු ලබන බව අමාත්‍යවරයා මෙහිදී පැවසීය.

 

වාරිමාර්ග දෙපාර්තමේන්තුවෙහි යන්ත්‍රෝපකරණ හා සේවක මහතුන්ගේ ශ‍්‍රම දායකත්වයෙන් ක‍්‍රියාත්මකදියවර නෑයෝ වැඩසටහන යටතේ නුවර වැව ව්‍යාපාරය, තිසා වැව ව්‍යාපාරය, හාල්පානූ ඇළ ව්‍යාපාරය, නාච්චදූව ව්‍යාපාරය සහ මහවිලච්චිය ව්‍යාපාරයන් යටතේ කෘෂි මංමාවත් පිළිසකර කල අතර එහි පස්වන වැඩසටහන වන හුරුළු වැව ව්‍යාපාර වැඩසටහන අමාත්‍යවරයාගේ ප‍්‍රධානත්වයෙන් අද ඇරඹිනි . මෙම ව්‍යාපෘතිය සඳහා යොදා ගනු ලබන යන්ත්‍ර සුත්‍ර සදහා ඉන්ධන , ශ්‍රම දායකත්වය වෙනුවෙන් වාරිමාර්ග දෙපාර්තමේන්තුව  ලක්ෂ 400ක මුදලක් වැය කරනු ලබයි .

 

2019.09.09i 2019.09.09ii 2019.09.09iii

2019.09.09iv 2019.09.09v 2019.09.09vi

2019.09.09vii 2019.09.09viii 2019.09.09viv

 

 

 

 

 


Last Updated on Tuesday, 10 September 2019 03:55

Last Update

18-10-2019

Get Social

Ministry of Agriculture, Rural Economic Affairs Irrigation and Fisheries and Aquatic Resources Development

288,

Sri Jayawardenepura Mawatha,

Rajagiriya, Sri Lanka,

Tel: +94-11-2869553

Fax: +94-11-2868910

E-mail: This email address is being protected from spambots. You need JavaScript enabled to view it.
This email address is being protected from spambots. You need JavaScript enabled to view it.

Copyright © 2019 The Ministry of Agriculture, Rural Economic Affairs , Irrigation 

and Fisheries and Aquaitc Resources Development

All Rights Reserved.

 Solution by: