01

   
English (UK)SinhalaSriLankaTamilIndia


වී මිල ඉහල දැමීමේ සූදානමක් - අමාත්‍ය පී හැරිසන්

2019.02.28i

ඉදිරියේදී කන්නෙයන් කන්නයට  වී සඳහා ලබාදෙන සහතික මිල ඉහළ දමන බව කෘෂිකර්ම, ග්‍රාමීය ආර්ථික කටයුතු, පශු සම්පත් සංවර්ධන, වාරිමාර්ග සහ ධීවර හා ජලජ සම්පත් අමාත්‍ය පී. හැරිසන් මහතා අනුරාධපුර නොච්ච්යාගම හැලඹෑව වී ගබඩාව ජනතා අයිතියට පත්කරමින් පැවසීය.

 වැඩිදුරටත් අදහස් දැක්වූ අමාත්‍යවරයා මෙසේ පැවසීය. එදිනෙදා කෘෂිකර්මාන්තයේ යෙදී සිටින ගොවීන් හට ඇතැම් විට කම්කරු සහ යාන්ත්‍රික උපකරණ වෙනුවෙන්  වැය කරනුලබන කුලියහි උච්චාවචනයන්  නිසා කන්නයෙන් කන්නයට රු. 02 කින් වත් වී කිලෝවක් සඳහා මිල ඉහළ දැමිය යුතු බවත්, දැනට වී සදහා පවතින සහතික මිල කිසිසේත්ම ප්‍රමාණවත් නොවන බව අමාත්‍යවරයා මෙහිදී කීය. ඉදිරියේදී ගොවිජන සේවා දෙපාර්තමේන්තුව මඟින් සෑම ගොවියෙක් සඳහාම නිවස තුළ වී ගබඩාවක් ඉදිකිරීම සඳහා රු. ලක්ෂ 05 ක මුදලක් 3% සහ 4%ක පොළී අනුපාතය යටතේ තමා ලබාදීමට බලාපොරොත්තු වන බවත්, ඒ සඳහා ප්‍රතිපාදන වෙන්කර ගැනීමේදී  ගොවිජන සංවර්ධන දෙපාර්තමේන්තුවේ බිලියන 15 ක සංචිත මුදල් භාවිතාකල හැකි බව අමාත්‍යවරයා කීය. මෙසේ සිදුකරන්නේ අතරමැදියා සහ වී මෝල් හිමියන්ගේ සුරාකෑමෙන් ගොවියා ආරක්ෂා කිරීමට බව කීය.

 දැනට ඉදිරිපත්කර ඇති නාඩු රු. 38/- ක් සහ සමිබා කිලෝවක  රු. 41/- දරන සහතික මිලට ණය ඇපකර ලබාගත් සමාගම් සහතික මිලටම ගොවියාගෙන් වී මිලදී ගතයුතු බවත්, එය කඩකරන සමාගම්වලට එරෙහිව නීතිමය ක්‍රියාමාර්ග ගන්නා බවත් අමාත්‍යවරයා සඳහන් කළේය.

 මේ දිනවල කව්පි සහ මුං අස්වැන්න නෙළමින් පවතින බවත්, කව්පි සඳහා පැවති ආනයනික බද්ද රු. 75 සිට රු. 80 දක්වා රු. 15 කින් බද්ද ඉහළදැමීමට තමන් ඉදිරි සතියේ කටයුතු කරන බව ද මෙහිදී අමාත්‍යවරයා ප්‍රකාශ කළේය. තමන් හම්බන්තොට, කිළිනොච්චිය සහ අනුරාධපුර දිස්ත්‍රික්කයන්හි වී මෙ.ටොන් 1000 ක් ගබඩා කර හැකි වී ගබඩා 3ක් තමන් මැදිහත්ව ඉදිකළ බවත්, ඉදිරියේදී වී අලෙවි මණ්ඩලය සතු ගබඩා ප්‍රමාණය තවත් වැඩිකරන බවත්, අතීතයේදී ගබඩා 2,000 ක් පමණ වී අලෙවි මණ්ඩලයට තිබුණද, දැනට වී අලෙවි මණ්ඩලය සතුව පවතින්නේ වී ගබඩා 200 ක් බවද අමාත්‍යවරයා මෙහිදී  කීය.

 දැනට පොළොන්නරුවේ වී සඳහා පවතින කීඩෑ උවදුරට විශේෂඥ කණ්ඩායමක් යොමු කර ඇති බවත්, ඒ සඳහා යාන්ත්‍රිකව නව තාක්ෂණය සමග උවදුර මර්ධනයට  කෘමිනාශක යෙදිය හැකි ක්‍රමවේදයක් තිබේද යන්න සහ කීඩෑ උවදුර මර්දනය කිරීම සඳහා ක්ෂණික විසඳුම් ලබාගන්නා ලෙස උපදෙස් ලබාදුන් බව අමාත්‍යවරයා වැඩිදුරටත් කීය.

 අනුරාධපුර හැලඹෑව වී ගබඩාව ඉදිකිරීම සඳහා රු. ලක්ෂ 250 ක මුදලක් වැයකර ඇත. මෙම අවස්ථාව සඳහා වී අලෙවි මණ්ඩලයේ සභාපති කස්තුරි අනුරාධනායක මහතා, වී අලෙවි මණ්ඩලයේ සාමාන්‍යාධිකාරී සමන් පාලිත බණ්ඩාර මහතා, නොච්චියාගම ප්‍රාදේශීය ලේකම්වරයා ඇතුළු නිලධාරීන් සහ ගොවීන් රැසක් සහභාගී විය.

 

 

2019.02.28ii        2019.02.28iii

 

 


Last Updated on Friday, 01 March 2019 03:42

Last Update

12-04-2019

Get Social

Ministry of Agriculture, Rural Economic Affairs,

Livestock Development, Irrigation and Fisheries and Aquatic Resources Development

288,

Sri Jayawardenepura Mawatha,

Rajagiriya, Sri Lanka,

Tel: +94-11-2869553

Fax: +94-11-2868910

E-mail: This email address is being protected from spambots. You need JavaScript enabled to view it.
This email address is being protected from spambots. You need JavaScript enabled to view it.

Copyright © 2019 The Ministry of Agriculture, Rural Economic Affiairs, livestock Development, Irrigation 

and Fisheries and Aquaitc Resources Development

All Rights Reserved.

 Solution by: